Матвей 11:23 - Коми Библия 2023

²³ Тэ, Капернаум кар, чайтан енэжӧдз кыпӧдчыны? Ад пыдӧсӧдз усян! Содом карын кӧ аддзылісны тіянын кодь вӧчӧм шензьӧданаторъяссӧ, сійӧ эськӧ ӧні на сулаліс.

Матвей 11:23 Referans Kwoze

Матвей 4:13

Сійӧ колис Назарет карсӧ да овмӧдчис тыдорса Капернаум карӧ, Завулон да Неффалим муӧ.

Олӧм 13:13

Содомын олысьяс вӧліны зэв лёкӧсь, найӧ уна мыж вӧчисны Господьлы паныд.

Восьтӧм 11:8

Налӧн шойясыс кутасны куйлыны ыджыд карлӧн туй вылас. Тайӧ карсӧ позьӧ ӧткодявны Содомкӧд да Египеткӧд, ӧд тайӧ карас вӧлі тувъялӧма налысь Господьӧс.

Иуда 1:7

Тадзи лои тшӧтш Содомын, Гомораын да на гӧгӧр каръясын олысьяскӧд. Тайӧ анделъясыс моз найӧ кырсалісны да сетчисны зывӧк оласногӧ, та вӧсна найӧс вӧлі мыждӧма да сотӧма куслытӧм биын. Миянлы тайӧ ӧлӧдӧм вылӧ.

Ап. уджъяс 2:27

Ӧд Тэ он коль менсьым лолӧс кулӧмаяс дінӧ, Тэ он сет Аслад Вежалы аддзывны сісьмӧмсӧ.

Лука 14:11

Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

Матвей 16:18

Ме шуа тэныд: Тэ – Петыр, из. Тайӧ из вылас Ме лэпта Ассьым вичко, и адлӧн выныс оз вермы сійӧс.

Матвей 8:5

Исус пырис Капернаум карӧ. Сы дінӧ локтіс сё тышкамортӧн веськӧдлысь да корис отсавны:

Авдий 1:4

Но тэ кӧ кутш моз лэбзян выліинӧ, овмӧдчан-поздысян кодзувъяс пӧвстӧ, весиг сэтысь Ме шыбита тэнӧ, – висьталӧ Господь.

Бӧрданкыв 2:1

Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.

Лука 16:23

Адын мучитчигӧн озыр морт лэптіс синсӧ да аддзис ылынкодь Ӧвраамӧс да сы дорысь Лазарӧс.

Лука 4:23

Исус шуис налы: «Ті, дерт, Меным шуанныд тайӧ кывйӧзсӧ: ”Бурдӧдысь, бурдӧд Асьтӧ”, да шуанныд: ”Ми кывлім Капернаум карын лоӧмтор йылысь. Вӧч сійӧс тшӧтш тані, Аслад карын”».

Матвей 17:24

Исус велӧдчысьясыскӧд локтіс Капернаум карӧ. Сэні Петыр дінӧ матыстчисны крамлы вот чукӧртысьяс да юалісны: «Мынтӧ-ӧ тіян Велӧдысьныд вотсӧ?»

Езекиль 26:20

Ме шыбита тэнӧ пыдӧстӧминӧ, мӧдӧда важӧн нин кулӧмаяс пӧвстӧ, овмӧда му пыдӧсӧ, важӧн нин пазӧдӧм каръяс пӧвстӧ. Тэнад керкаясыд кушмасны, но ловъяяслысь мусӧ Ме мичмӧда.

Езекиль 31:14

Тайӧ ставыс лои сы вӧсна, медым ва бокын быдмысь пуяс оз вылӧ кыпӧдчыны да туганнас мед оз нюжӧдчыны мукӧд пуясысь вылӧджык. Ваӧн юкталӧм ыджыд пуяс мед оз быдмыны вывті джуджыда. Ставныслы шуӧма кувны, найӧс лоӧ шыбитӧма му пыдӧсас, кулӧмаяс пӧвстӧ.

Езекиль 32:18

«Морт пиӧй, ырзӧмӧн бӧрд египетса уна лыда войтыр вӧсна. Колльӧд найӧс да мукӧд вына войтыръясӧс, кодъяс мунасны му пыдӧсас, кулӧмаяс дінӧ.

Езекиль 32:24

Сэні куйлӧ Элам да эламса уна лыда войтыр, ставнысӧ шыпуртӧн виӧма, гӧгӧр дзебанінъяс. Пыдӧстӧминӧ мунісны тайӧ вундыштчытӧм йӧзыс, кодъясысь коркӧ полісны ловъяяслӧн му вылын. А ӧні налы яндзим, найӧ куйлӧны кулӧмаяскӧд му пыдӧсас.

Матвей 10:15

Веськыда висьтала тіянлы: мыждан лунӧ Содом да Гомора каръяслы лоас кокньыдджык сійӧ карыслы дорысь.

Лука 10:15

Тэ, Капернаум кар, чайтан енэжӧдз кыпӧдчыны? Ад пыдӧсӧдз усян!

Ап. уджъяс 2:31

ӧд сійӧ сэки нин аддзыліс Кристослысь ловзьӧмсӧ. Та йылысь сійӧ висьталіс, мый Кристослӧн лолыс оз коль кулӧмаяс дінӧ, и Сылӧн шойыс оз аддзыв сісьмӧмсӧ.

Восьтӧм 1:18

Ме ловъя. Ме вӧлі кулӧма, но ӧні ловъя нэмъяс чӧж. Аминь. Менам киын адысь да кулӧмысь восьтаныс.

Восьтӧм 6:8

Ме видзӧдлі да аддзи быгалӧм рӧма вӧлӧс да сы вылын пукалысьӧс, кодлӧн нимыс вӧлі Кулӧм. Сы бӧрся вӧтчис ачыс Адыс. Налы вӧлі сетӧма ыджыдавны мулӧн нёльӧд юкӧныс вылын: виавны йӧзсӧ шыпуртӧн да тшыгйӧдӧмӧн, кулана висьӧмъясӧн да зверъяс отсӧгӧн.

Восьтӧм 20:13

Сэки саридзыс, пыдӧстӧминыс да кулӧмыс сетісны ассьыныс кулӧмаяссӧ, и быдӧнӧс найӧс вӧлі мыждӧма уджъясныс серти.