Матвей 11:1 - Коми Библия 2023

¹ Дас кыкнан велӧдчысьсӧ велӧдӧм-туйдӧдӧм бӧрын Исус муніс юӧртны да велӧдны мукӧд каръясӧ.

Матвей 11:1 Referans Kwoze

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Лука 8:1

Та бӧрын Исус ветлӧдліс карысь карӧ, сиктысь сиктӧ да висьтавліс Ен Юралӧм йылысь Бур Юӧр. Сыкӧд ветлӧдлісны дас кыкнан велӧдчысьыс

Матвей 9:35

Исус ветліс-кытшовтіс став кар-сиктсӧ. Сійӧ велӧдіс синагогаясын, висьтавліс Ен Юралӧм йылысь Евангелльӧ да бурдӧдаліс йӧзсӧ быд висьӧм-доймӧмысь.

2 Фессалоникаӧ 3:10

Ӧд тіянӧ волігӧн ми шулім нин: «Коді оз кӧсйы уджавны, сійӧ мед оз сёй».

2 Фессалоникаӧ 3:6

Вокъяс, миян Господь Исус Кристос нимӧн тшӧктам тіянлы: ылыстчӧй эскысь вокысь, коді весь олӧ да оз ов миян велӧдӧм серти.

1 Фессалоникаӧ 4:2

Ті ӧд тӧданныд, кутшӧм тшӧктӧмъяс ми сетім тіянлы Господь Исуссянь.

Ап. уджъяс 10:42

юӧртны йӧзыслы да висьтавны, мый Ен пуктіс Сійӧс ловъяяслы да кулӧмаяслы Мыждысьӧн.

Ап. уджъяс 1:2

да сійӧ лунӧдзыс, кор кыпӧдчис енэжӧ. Кыпӧдчытӧдзыс на Сійӧ Вежа Ловсянь сетіс Аслас бӧрйӧм апостолъяслы тшӧктӧмъяс.

Иоан 15:14

Оланныд кӧ Менам тшӧктӧм серти, ті – Менам ёртъяс.

Иоан 15:10

Ме ставсӧ вӧча Батьлӧн тшӧктӧм серти да ола Сылӧн муслун пытшкын. Ті кӧ вӧчанныд Менам тшӧктӧм серти, сэки тшӧтш кутанныд овны Менам муслун пытшкын.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Матвей 7:28

Исусӧс кывзӧм бӧрын йӧзыс ёна шензисны Сылӧн велӧдӧмысь.

Матвей 4:23

Исус ветлӧдліс Галилея му пасьтала. Сійӧ велӧдіс синагогаясын, висьтавліс Ен Юралӧм йылысь Евангелльӧ да бурдӧдаліс йӧзӧс быд висьӧм-доймӧмысь.

1 Тимофейлы 6:14

миян Господь Исус Кристос локтӧдз ставсӧ вӧч менам тшӧктӧм серти, сӧстӧма да веськыда.

Марк 6:12

Велӧдчысьяс мунісны да юӧртісны йӧзыслы, мед бергӧдчасны мыжъяссьыныс.

Лука 23:5

Но найӧ ӧтарӧ мыжалісны: «Велӧдӧмнас Сійӧ шызьӧдӧ йӧзсӧ став Иудея му пасьтала. Пондіс шызьӧдны Галилеяын, ӧні татчӧдз воис».