Марк 9:7 - Коми Библия 2023

⁷ Сэки локтіс кымӧр да вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Сійӧс кывзӧй».

Марк 9:7 Referans Kwoze

2 Петыр 1:17

Ен Батьыс сетіс Сылы нимӧдӧмсӧ да дзирдлунсӧ, кор Вылысса дзирдлунсяньыс кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

Матвей 3:17

Енэжсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

Марк 1:11

Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Восьтӧм 1:7

Со, Сійӧ локтӧ кымӧръяс вылын, Сійӧс аддзас быд син. Сійӧс аддзасны тшӧтш найӧ, кодъяс бытшкисны Сійӧс. Сэки Сы водзын ырзӧмӧн бӧрддзасны мувывса войтыръяс. Тайӧ тадзи! Аминь.

Еврейяслы 2:1

Та вӧсна миянлы ёнджыка на колӧ кутчысьны кывлӧмаыс дінӧ, медым эгӧ ылалӧй.

Иоан 20:31

Но тайӧс гижӧма, медым ті эскинныд, мый Исус эм Кристос, Ен Пи. Эсканныд кӧ, Сылӧн нимыс пыр тіянлы вичмас олӧм.

Иоан 6:69

Ми эскам да тӧдам: Тэ – Кристос, ловъя Енлӧн Пи».

Иоан 1:34

Ме аддзылі тайӧс да эскӧда тіянӧс: Сійӧ – Ен Пи».

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Римӧ 1:4

Кулӧмысь ловзьӧмнас Сійӧ воссис Вына Ен Пиӧн да Ловсянь вежаӧн. Сійӧ – Исус Кристос, миян Господь.

Ап. уджъяс 8:36

Сэккості найӧ воисны вадорӧ, евнук шуис: «Со ваыс. Мый менӧ кутӧ пыртчӧмысь?»

Ап. уджъяс 7:37

Ӧд буретш Мӧисей висьтавліс Израиль пиянлы: ”Господь, тіян Енныд, сувтӧдас вокъяс пӧвстсьыныд ме кодь Пророкӧс тіянлы. Кывзӧй Сійӧс”.

Ап. уджъяс 1:9

Тайӧс висьталӧм бӧрын налӧн син водзын Исус кыпӧдчис енэжӧ. Кымӧрыс кыпӧдіс Сійӧс налӧн син водзсьыныс.

Иоан 19:7

Найӧ вочавидзисны: «Миян эм Индӧд. Индӧдным серти Сылы колӧ кувны, ӧд Асьсӧ Сійӧ Ен Пиӧн шуӧ».

Иоан 9:35

Исус кывліс бурдӧдӧм мортӧс вӧтлӧм йылысь, корсис сійӧс да юаліс: «Эскан-ӧ тэ Ен Пилы?»

Иоан 5:37

Менӧ мӧдӧдысь Батьӧй Ачыс висьталӧ Ме йылысь. Ті Сылысь гӧлӧс шысӧ некор энӧ кывлӧй, Сылысь чужӧмсӧ энӧ аддзылӧй,

Иоан 5:18

Сэки иудейяслӧн веськӧдлысьяс ёнджыка на кӧсйисны вины Исусӧс, ӧд Сійӧ торкис шойччан лунсӧ да шуис Енсӧ Аслас Батьӧн. Тадзи ӧткодяліс Асьсӧ Енкӧд.

Иоан 1:49

Нафанаил шуис: «Велӧдысьӧй, Тэ – Ен Пи, Тэ – Израильлӧн Ӧксы!»

Матвей 27:54

Му вӧрӧмысь да став лоӧмторсӧ аддзӧмысь Исусӧс видзысьяс да налӧн веськӧдлысьыс ёна повзисны да шуисны: «Тайӧ Мортыс збыльысь Ен Пи вӧлӧма».

Матвей 27:43

Сійӧ Ен вылӧ лачаӧн оліс. Мед Енмыс мездас ӧні, дона кӧ Сылы. Шуліс ӧд, Ме пӧ Ен Пи».

Даниил 7:13

Войся аддзылӧмын меным нӧшта вӧлі петкӧдлӧма, мый енэжвывса кымӧръяс вылын локтіс Морт Пи кодь. Сійӧ матыстчис важысянь Олысь дінӧ, Сійӧс вайӧдісны важысянь Олысь водзӧ.

Псалтыр 97:2

Господь петкӧдліс Ассьыс мездӧмсӧ, восьтіс войтыръяслы Ассьыс веськыдлунсӧ.

Псалтыр 2:7

Ме висьтала Господьлысь кывъяссӧ. Сійӧ шуис Меным: «Тэ – Менам Пи, талун Ме лои Тэныд Батьӧн.

Петӧм 40:34

Сэки вежа чомсӧ вевттис кымӧр. Господьлӧн дзирдлуныс тыртіс вежа чомсӧ.

Петӧм 24:16

Енлӧн дзирдлуныс лэччис сэтчӧ. Квайт лун чӧж керӧсыс вӧлі кымӧр вевттьӧд улын. Сизимӧд луннас Господь шыасис Мӧисей дінӧ кымӧр пытшсяньыс.

Марк 9:6

Петыр ачыс эз гӧгӧрво, мый висьталіс, ӧд ставныс найӧ вӧлі ёна повзьӧмаӧсь.

Марк 9:8

Велӧдчысьяс видзӧдлісны гӧгӧрбок да аддзисны, мый накӧд сӧмын Исус.

Лука 3:22

Вежа Лов гулю кодьӧн лэччис Сы вылӧ. Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Иоан 12:28

Батьӧй, восьт Аслад нимлысь дзирдлунсӧ!» Сэки енэжсянь кыліс гӧлӧс шы: «Ме восьті нин да нӧшта на восьта».