Марк 8:33 - Коми Библия 2023

³³ Велӧдчысьяслань бергӧдчӧмӧн Исус чорыда вомаліс Петырӧс: «Вешйы Ме дінысь, сӧтана! Тэнад мӧвпъясыд мортсянь, абу Енсянь».

Марк 8:33 Referans Kwoze

Матвей 4:10

Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

1 Иоан 2:15

Энӧ радейтӧй муюгыдсӧ да мый сэні эм. Кодлы муса муюгыдыс, сылы Батьыс абу муса.

Филипӧ 3:19

Налӧн помыс – кулӧм, налӧн енмыс – рушкуныс, найӧ ошйысьӧны асланыс янӧдан уджъясӧн. Найӧ мӧвпалӧны сӧмын мувывсаыс йылысь.

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!

Псалтыр 141:5

Ме шыася Господь дінӧ, шуа, мый Тэ – менам сайӧдчаніныс, менам пайыс ловъяяслӧн му вылын.

1 Петыр 4:1

Кристос вир-яйнас нуис сьӧкыдсӧ миян вӧсна. Сідзкӧ, ті тшӧтш лоӧй дасьӧсь нуны сьӧкыдсӧ, медым коляс кадсӧ тайӧ му вылас олінныд Ен кӧсйӧм серти, энӧ нин асланыд лёк кӧсйӧм серти. Ӧд вир-яйнас сьӧкыдалысь ылыстчӧ мыж вӧчӧмысь.

1 Тимофейлы 5:20

Мыж вӧчысьӧс янӧд ставныс водзын, медым мукӧдыс тшӧтш полісны.

1 Коринфӧ 5:5

Сэки тайӧ мортсӧ сетӧй сӧтана киӧ вир-яйсӧ жугӧдӧм вылӧ, мед лолыс сылӧн мездмас миян Господь Исус Кристослӧн лунӧ.

Лука 22:61

Бергӧдчылӧмӧн Господь видзӧдліс Петыр вылӧ. Сэки Петырлы тӧд вылас уси Господьлӧн шуӧмыс: «Петук чукӧсттӧдз на тэ куимысь соссян Меысь».

Марк 3:34

Ас гӧгӧрыс пукалысьяс вылӧ видзӧдлӧмӧн шуис: «Со кодъяс Меным вокъясыс да мамыс.

Марк 3:5

Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

Матвей 15:23

Исус кыв эз шу аньлы. Велӧдчысьясыс матыстчисны Исус дінӧ да шуисны: «Лэдз аньсӧ, сійӧ горзӧмӧн бӧрсяньным ветлӧдлӧ».

Ӧксыяслӧн 2 небӧг 19:22

Давид шуис: «Мый ті ме понда шогсянныд, Саруя пиян? Мыйла ті ӧні меным паныд сувтанныд? Позьӧ ӧмӧй талун кодӧскӧ вины Израиль войтырысь, кор ме бара лои налы ӧксыӧн».

Левит 19:17

Эн мустӧмт матыссатӧ, а ӧлӧд сійӧс, медым сыкӧд ӧтвылысь мыж улас эн шед.

Титлы 1:13

Веськыда шуӧма на йылысь. Та вӧсна чорыда янӧд татшӧм йӧзсӧ, медым налӧн эскӧмыс вӧлі веськыд.

Лука 9:55

Велӧдчысьяслань бергӧдчӧмӧн Исус ӧлӧдіс найӧс. Сійӧ шуис: «Ті онӧ тӧдӧй, мыйсяма лов тіян пытшкын.

Лука 4:8

Исус вочавидзис: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

Иов 2:10

Иов вочавидзис: «Вежӧртӧм ань моз тэ сёрнитан. Сӧмын бурсӧ ӧмӧй сибӧдам Енсяньыс, а лёксӧ огӧ?» Та дырйи Иов эз мыжмы аслас кывъясӧн.

Матвей 16:23

Бергӧдчӧмӧн Исус шуис Петырлы: «Вешйы Ме дінысь, сӧтана! Тэ Менӧ крукӧдан, ӧд тэнад мӧвпъясыд мортсянь, абу Енсянь».