Марк 7:5 - Коми Библия 2023

⁵ Фарисейяс да Индӧдӧ велӧдысьяс юалісны Исуслысь: «Мыйла велӧдчысьясыд оз овны пӧрысьяслӧн шуӧм серти? Мыйла найӧ мыськытӧм киӧн сёйӧны?»

Марк 7:5 Referans Kwoze

2 Фессалоникаӧ 3:6

Вокъяс, миян Господь Исус Кристос нимӧн тшӧктам тіянлы: ылыстчӧй эскысь вокысь, коді весь олӧ да оз ов миян велӧдӧм серти.

Ап. уджъяс 21:21

Тэ йылысь найӧ кывлӧмаӧсь, тэ пӧ ентӧдтӧмъяс пӧвстын олысь иудейясӧс велӧдан эновтчыны Мӧисей Индӧдысь, ӧлӧдан найӧс пияннысӧ вундыштӧмысь да батьяслӧн оласногӧ кутчысьӧмысь.

Галатӧ 1:14

Иудей эскӧмын ме пановті тшӧтшъяясӧс, ме вӧлі чорыда кутчысьӧма батьяслӧн шуӧмӧ.

Ап. уджъяс 21:24

Босьт найӧс аскӧдыд да сӧстӧммӧдчы накӧд. Мынтысь на вӧсна, мед шырасны юрнысӧ. Сэки ставныс тӧдмаласны, мый тэ кутчысян Индӧдӧ, и тэ йылысь кывлӧмторйыс абу збыль.

Матвей 15:2

«Мыйла велӧдчысьясыд пӧрысьяслысь шуӧмсӧ торкӧны – сёйӧм водзвыланыс кинысӧ оз мыськавны?»

Римӧ 4:12

Сійӧ бать тшӧтш вундыштчӧмаяслы, кодъяс эз сӧмын вундыштчыны, но Ӧвраам батьным моз ветлӧны эскӧмыслӧн туйӧд, кыті ветліс сійӧ вундыштчытӧдзыс на.

2 Фессалоникаӧ 3:11

Миянлы кывсис, тіян пӧвстысь пӧ ӧткымынӧн весьшӧрӧ кадсӧ коллялӧны. Найӧ оз уджавны да нырсӧ быдлаӧ сюйӧны.

Марк 7:8

Ті эновтінныд Енлысь тшӧктӧмсӧ, кутчысянныд мортлӧн шуӧмъясӧ – тасьті-дозмук мыськалӧмӧ да уна мукӧдторйӧ на».

Марк 7:9

Исус водзӧ висьталіс: «Сюся ті вештанныд Енлысь тшӧктӧмсӧ, медым кутчысьны батьяслӧн шуӧмӧ.

Марк 7:13

Тадзи батьяслӧн шуӧмӧ кутчысьӧмӧн да велӧдӧмӧн ті вештанныд Енлысь кывсӧ. Уна татшӧмтор на ті вӧчанныд».