Марк 3:17 - Коми Библия 2023

¹⁷ Зеведей Яков да сылӧн Иоан вокыс, кодъяслы сетіс Боанергес ним, вуджӧдны кӧ, лоӧ ”гым пиян”,

Марк 3:17 Referans Kwoze

Еврейяслы 4:12

Енлӧн кывйыс ловъя да вына. Сійӧ ёсьджык на кыкнанладорсяньыс лэчтӧм шыпуртысь. Сійӧ пыдӧдз мӧрччӧ, торйӧдӧ мортлысь ловсӧ да олӧмсӧ, лысӧ да вемсӧ, восьтӧ мортлысь сьӧлӧмпытшса мӧвпъяссӧ да кӧсйӧмъяссӧ.

Марк 14:33

Аскӧдыс Исус босьтіс Петырӧс, Яковӧс да Иоанӧс. Исусӧс полӧм да шогалӧм босьтіс.

Марк 5:37

Сэсся Исус босьтіс Аскӧдыс Петырӧс, Яковӧс да сылысь Иоан воксӧ, мукӧдсӧ эз лэдз локнысӧ.

Еремей 23:29

Менам кывйӧй ӧд би кодь, – висьталӧ Господь, – сійӧ изкырта жуглысь ыджыд мӧлӧт кодь.

Ап. уджъяс 12:1

Тайӧ кадӧ Ирӧд ӧксы пондіс ёна дзескӧдны вичкоысь кодсюрӧӧс.

Иоан 21:2

Симон-Петыр, Двӧйнипӧв Фома, Канаысь, галилеяса карысь, Нафанаил, Зеведейлӧн пияныс да нӧшта кык велӧдчысь вӧліны ӧтлаынӧсь.

Марк 10:35

Исус дінӧ матыстчисны Зеведейлӧн Яков да Иоан пияныс. Найӧ шуисны: «Велӧдысь, миян эм корӧм Тэ дінӧ».

Марк 9:2

Квайт лун мысти Исус босьтіс Аскӧдыс Петырӧс, Яковӧс, Иоанӧс да кайис накӧд джуджыд керӧсӧ. Велӧдчысьяс син водзын Исуслӧн мыгӧрыс вежсис,

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Восьтӧм 10:11

Сэсся андел шуис меным: «Тэныд бара на ковмас водзвыв висьтавлыны, мый лоӧ войтыръяскӧд да чужанкотыръяскӧд, быд кыла йӧзкӧд да ӧксыяскӧд».

Матвей 4:21

Исус муніс водзӧ да аддзис мӧд кык вокӧс: Яковӧс да Иоанӧс. Зеведей батьныскӧд найӧ пыжын дзоньталісны тывъяс. Исус чукӧстіс вокъясӧс.

Марк 3:16

Дас кыкыс вӧліны: Симон, кодлы сетіс Петыр ним,

Марк 3:18

нӧшта Ӧндрей, Филип, Варфоломей, Матвей, Фома, Алфей Яков, Фаддей, Кананит Симон

Лука 9:54

Яков да Иоан – Исуслӧн велӧдчысьясыс – тайӧс кылӧм бӧрын шуисны: «Господьӧй, кӧсъян кӧ, ми би корам енэжсяньыс, мед бырӧдны найӧс? Буретш тадзи Илля вӧчліс».