Марк 2:12 - Коми Библия 2023

¹² Сійӧ дзик пыр чеччис, босьтіс вольпасьсӧ да ставныслӧн син водзын петіс. Йӧзыс шензьӧмӧн ошкисны Енмӧс да шуалісны, татшӧмсӧ пӧ ми эгӧ на аддзылӧй.

Марк 2:12 Referans Kwoze

Матвей 9:33

Исус вӧтліс морт пытшкысь пеж ловсӧ, и мортыс пондіс сёрнитны. Йӧзыс шензисны, татшӧмторйыс пӧ Израиль муын эз на вӧвлы.

Матвей 9:8

Тайӧс аддзӧм бӧрын йӧзыс шензьӧмӧн ошкисны Енмӧс, ӧд та ыджда вын сетӧма мувывса йӧзлы.

Лука 7:16

Ставнысӧ полӧм босьтіс. Енмӧс ошкигтыр шуалісны: «Ыджыд пророк миян пӧвстын! Ен локтіс отсавны Аслас войтырлы!»

Ап. уджъяс 4:21

Чорыда чирыштӧм бӧрын веськӧдлан котыр лэдзис апостолъясӧс. Йӧз вӧснаыс эз вермыны мыждыны найӧс, ӧд ставныс ошкисны Енмӧс тайӧ лоӧмторсьыс.

Иоан 9:32

Му пуксьӧмсяньыс эз на вӧв татшӧмыс, мый чужӧмсяньыс синтӧмӧс кодкӧ бурдӧдіс.

Иоан 7:31

Йӧз пӧвстысь унаӧн эскисны Исуслы. Найӧ сёрнитісны: «Кор локтас Кристос, Сійӧ ӧмӧй тайӧ Мортыс дорысь унджык шензьӧданаторсӧ вӧчас?»

Лука 17:15

Ассьыс бурдӧмсӧ казялӧм бӧрын ӧти косіс Енмӧс гораа ошкигтырйи.

Лука 13:13

Исус пуктыліс кисӧ ань вылӧ, и сійӧ дзик пыр веськӧдчис да пондіс ошкыны Енмӧс.

Лука 5:26

Йӧзыс чуймисны да полӧмӧн тырисны. Найӧ ошкисны Енмӧс да шуалісны, вӧвлытӧмтор пӧ ми талун аддзылім.

Марк 1:27

Став йӧзыс весьӧпӧрисны, ӧта-мӧдныслысь юасисны: «Мый тайӧ? Мыйсяма выль велӧдӧм? Сылысь кывзысьӧны весиг пеж ловъяс».

Матвей 15:31

Йӧзыс шензисны, мый налӧн син водзын сёрниттӧмъяс сёрнитісны, китӧмъяс бурдісны, коктӧмъяс ветлӧдлісны да синтӧмъяс аддзисны. Ставӧн ошкисны Израильлысь Енсӧ.

Матвей 12:23

Став йӧзыс чуймисны, ӧта-мӧдныслысь юасисны: «Збыльысь-ӧ Сійӧ Давид Пи?»

Марк 2:11

«Тэныд шуа: чеччы, босьт вольпасьтӧ да мун гортад».