Марк 15:19 - Коми Библия 2023

¹⁹ Кучкалісны юрас беддьӧн, сьӧлалісны Сійӧс да пидзӧсчанясьӧмӧн копрасисны Сы водзын.

Марк 15:19 Referans Kwoze

Марк 14:65

Кодсюрӧ пондісны сьӧлавны Исуслы. Сылысь чужӧмсӧ вевттьӧмӧн найӧ нӧйтісны Сійӧс да шуалісны: «Висьтав, Пророк, коді кучкис?» Видзысьяс тшӧтш кучкалісны Сылы чужӧмас.

Еврейяслы 13:13

Сідзкӧ, петам Исус дінӧ кар ортсыас да Сы моз нуам лёкӧдӧмсӧ.

Филипӧ 2:10

медым енэжас, му вылас да му пыдӧсас быд олысь пидзӧсчанясис Исус ним водзын,

Римӧ 11:4

Мый сылы Енмыс воча шуӧ? «Ме коли Аслым сизим сюрс мортӧс, кодъяс эз пидзӧсчанясьны Ваал водзӧ».

Лука 23:36

Сералісны-лёкӧдісны Исусӧс тшӧтш шыпуртаяс. Найӧ матыстчӧмӧн мыччывлісны Сылы вина уксус

Лука 23:11

Ирӧд аслас шыпуртаяскӧд сераліс-лёкӧдіс Исусӧс, пасьтӧдіс Сійӧс озыр паськӧмӧ да бӧр мӧдӧдіс Пилат дінӧ.

Лука 22:63

Исусӧс видзысьяс сералісны-лёкӧдісны да нӧйтісны Сійӧс.

Марк 10:34

Найӧ сераласны-лёкӧдасны Сійӧс, сьӧлаласны да чорыда нӧйтасны, сэсся виасны. Но коймӧд луннас Сійӧ ловзяс».

Марк 9:12

Сійӧ вочавидзис: «Дерт, Иллялы колӧ водзджык локны да ставсӧ лӧсьӧдны. А Морт Пи йылысь гижӧма, мый уна сьӧкыд Сылы ковмас нуны да лоны увтыртӧмаӧн.

Микей 5:1

Ерусалимын олысьяс, петӧй тышӧ, ӧд миянӧс кытшалісны! Израильлысь ёрдысьӧс кутасны кучкавны, беддьӧн кучкаласны чужӧмбанас.

Исай 52:14

Унаӧн шензисны Сы вылӧ, сэтшӧм ёна вӧлі дойдалӧма Сійӧс, Сійӧ эз нин вӧв морт кодь.

Исай 50:6

Ме сеті кучкавны ассьым мышкӧс, лэдзи нетшкыны тошкӧс. Ассьым чужӧмӧс эг тупкы менӧ лёкӧдысьясысь да ме вылӧ сьӧлалысьясысь.

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Исай 45:23

Менам вомысь петӧны збыль кывъяс, вежсьывлытӧм кывъяс, Ме Ачым кыв сетӧмӧн шуа, мый быд морт пидзӧсчанясяс Ме водзӧ да кыв сетӧмӧн кӧсйысяс кесъявны Меным.

Иов 13:9

Бур ӧмӧй лоӧ, кор Сійӧ пондас туявны-тӧдмавны тіянӧс? Пӧръяланныд ӧмӧй Сійӧс мортӧс моз?

Ӧксыяслӧн 3 небӧг 19:18

Израиль войтыр пӧвстысь Ме коля ловйӧн сизим сюрс мортӧс, кодъяс эз пидзӧсчанясьны Ваал водзӧ да эз окавны сійӧс».

Олӧм 43:28

Найӧ вочавидзисны: «Тэнад кесйӧгыд, миян батьным, ловъя и дзоньвидза». [Ӧсип шуис: «Енмӧн бурсиӧма сійӧ».] Найӧ пидзӧсчанясисны да копыртчылісны сылы.

Олӧм 24:52

Тайӧс кылӧм бӧрын Ӧвраамлӧн кесйӧг копыртчыліс Господьлы муӧдзыс.

Матвей 27:30

Сьӧлалісны Сійӧс да кучкалісны юрас беддьӧн.

Марк 15:18

сэсся пондісны нимӧдны Сійӧс: «Мед олас иудейяслӧн Ӧксы!»

Марк 15:20

Сералӧм-лёкӧдӧм бӧрын найӧ босьтісны Исус вылысь пемыдгӧрд кышансӧ да бӧр пасьтӧдісны Сійӧс Аслас паськӧмӧ, сэсся нуӧдісны тувъявны.