Марк 14:65 - Коми Библия 2023

⁶⁵ Кодсюрӧ пондісны сьӧлавны Исуслы. Сылысь чужӧмсӧ вевттьӧмӧн найӧ нӧйтісны Сійӧс да шуалісны: «Висьтав, Пророк, коді кучкис?» Видзысьяс тшӧтш кучкалісны Сылы чужӧмас.

Марк 14:65 Referans Kwoze

Ап. уджъяс 23:2

Сэки Ананий нима аркирей тшӧктіс Павел дінын сулалысьӧс кучкыны сылы вомас.

Иоан 19:3

да шуалісны: «Мед олас иудейяслӧн Ӧксы!» Сэсся кучкалісны чужӧмас.

Исай 50:6

Ме сеті кучкавны ассьым мышкӧс, лэдзи нетшкыны тошкӧс. Ассьым чужӧмӧс эг тупкы менӧ лёкӧдысьясысь да ме вылӧ сьӧлалысьясысь.

Иоан 18:22

Кор Исус шуис тайӧс, крам видзысьяс пӧвстысь ӧти, коді сулаліс Сыкӧд орччӧн, кучкис Сылы чужӧмас да шуис: «Кыдзи тэ сёрнитан аркирейкӧд!»

Марк 15:19

Кучкалісны юрас беддьӧн, сьӧлалісны Сійӧс да пидзӧсчанясьӧмӧн копрасисны Сы водзын.

Исай 53:3

Йӧзыс Сійӧс увтыртісны-ӧтдортісны, Сійӧ нуис уна сьӧкыдлун да висьӧм, а ми бергӧдім Сыысь ассьыным чужӧмнымӧс. Сійӧс увтыртісны, и ми нинӧм туйӧ пуктім Сійӧс.

Исай 52:14

Унаӧн шензисны Сы вылӧ, сэтшӧм ёна вӧлі дойдалӧма Сійӧс, Сійӧ эз нин вӧв морт кодь.

Иов 30:10

Найӧ зывӧктӧны менӧ, ӧтдортчӧны меысь, сьӧлалӧны меным чужӧмӧ.

Эсфир 7:8

Кор ӧксы бӧр пырис сад йӧрысь гажӧдчанінӧ, аддзис, мый Аман вӧлі копыртчӧма Эсфирлӧн куйланін дорӧ. Ӧксы шуис: «Тэ весиг менам керкаын кӧсъян мырдӧнавны ӧксы-аньӧс!» Ӧксылӧн шуӧм бӧрын Аманлысь чужӧмсӧ дзик пыр вевттисны.

Лыд 12:14

Господь вочавидзис Мӧисейлы: «Батьыс кӧ сьӧлыштіс сылы чужӧмас, сійӧ эськӧ сизим лун чӧж вӧлі янӧдӧм улын. Сідзкӧ, вӧтлӧй сійӧс чомъяс сайӧ сизим лун кежлӧ, а сэсся мед бӧр локтас».

Еврейяслы 12:2

да видзӧдны Исус вылӧ. Сійӧ – миянлы эскӧмсӧ Сетысьыс да тырвыйӧ эскӧмас Вайӧдысьыс. Локтана нимкодьлун понда Сійӧ нуис крест вылын дойсӧ, нинӧм туйӧ пуктіс лёкӧдӧмсӧ да пуксис Ен пуклӧс веськыдладорӧ.

Марк 10:34

Найӧ сераласны-лёкӧдасны Сійӧс, сьӧлаласны да чорыда нӧйтасны, сэсся виасны. Но коймӧд луннас Сійӧ ловзяс».

Микей 5:1

Ерусалимын олысьяс, петӧй тышӧ, ӧд миянӧс кытшалісны! Израильлысь ёрдысьӧс кутасны кучкавны, беддьӧн кучкаласны чужӧмбанас.

2 Каднебӧг 18:23

Кенаанлӧн Седекей пиыс матыстчис Микей дінӧ, кучкис сылы бан бокас да шуис: «Тэ чайтан, мый Господьлӧн лолыс эновтіс менӧ да кутіс сёрнитны тэ пыр?»

Матвей 27:30

Сьӧлалісны Сійӧс да кучкалісны юрас беддьӧн.