Марк 14:24 - Коми Библия 2023

²⁴ Исус шуис налы: «Тайӧ Менам вир – Выль Йитӧдлӧн вир, сійӧ киссьӧ уна вӧсна.

Марк 14:24 Referans Kwoze

Петӧм 24:8

Мӧисей босьтіс чукӧртӧм вирсӧ да резіс сыӧн войтырсӧ. Сійӧ шуис: «Тайӧ вирыс – йитӧдлӧн вир. Господь кӧрталіс тіянкӧд йитӧд. Тайӧ йитӧдыс подуласьӧ Сылӧн тшӧктӧмъясыс вылӧ».

Закар 9:11

Вирӧн вынсьӧдӧм йитӧд вӧсна Ме мезда пленӧ босьтӧмаястӧ, петкӧда найӧс ватӧм гуысь.

1 Коринфӧ 11:25

Сёйӧм бӧрас босьтіс тшӧтш чаша да шуис: «Тайӧ чашаыс – Выль Йитӧд, кӧрталӧма Менам вирӧн. Быдпӧрйӧ, тайӧ чашасьыс юигӧн, казьтывлӧй Менӧ».

1 Коринфӧ 10:16

Ми бурсиам чашасӧ да чегъялам няньсӧ. Оз-ӧ тайӧ чашаыс йит миянӧс Кристос виркӧд? Оз-ӧ тайӧ няньыс йит миянӧс Кристос вир-яйкӧд?

Иоан 6:53

Исус шуис налы: «Веськыда, веськыда висьтала тіянлы: онӧ кӧ сёйӧй Морт Пилысь яйсӧ да юӧй Сылысь вирсӧ, тіян пытшкын олӧмыс оз ло.

Марк 10:45

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Еремей 31:31

Воасны лунъяс, – висьталӧ Господь, – кор Ме кӧртала Израиль да Иуда войтыркӧд выль йитӧд.

Марк 14:23

Сэсся босьтіс чаша, аттьӧаліс Енмӧс да сетіс велӧдчысьясыслы. Ставныс юисны сэтысь.

Марк 14:25

Веськыда висьтала тіянлы: ӧнісянь ог понды юны виноград юансӧ сійӧ лунӧдз, кор понда юны выльӧс Енлӧн Юраланінын».

Лука 22:20

Сёйӧм бӧрас босьтіс чаша да сійӧс сетігас шуис: «Тайӧ чашаыс – Выль Йитӧд, кӧрталӧма Менам вирӧн, сійӧ киссьӧ тіян вӧсна.