36 Мед эз су тіянӧс узьӧмӧн тӧдлытӧг локтӧмнас!
Локтӧм бӧрас бара аддзис, мый велӧдчысьяссӧ унмыс топыда личкӧма. Найӧ эз тӧдны, мый вочавидзны Сылы.
Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.
Верӧспуыс дыр оз во, и ставныс вугыртасны да унмовсясны.
Исус бӧр локтіс да аддзис, мый велӧдчысьясыс унмовсьӧмаӧсь. Петырлы шуис: «Симон, узян-ӧ? Ӧти час весиг эн вермы узьтӧг олыштны.
Израильӧс видзысьяс синтӧмӧсь, ставныс найӧ мывкыдтӧмӧсь – увтны вермытӧм понъяс, найӧ нюжӧдчӧмаӧсь да вугралӧны, радейтӧны узьны.
Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.
Кевмысьӧм бӧрас Исус чеччис да локтіс велӧдчысьяс дінас. Сійӧ аддзис, мый найӧ шогысла унмовсьӧмаӧсь.
– Ачым узя, а сьӧлӧмӧй оз узь. Кыла – мусукӧй игӧдчӧ. (Зон:) – Чоюкӧй, мусаӧй, сӧстӧм гулюӧй, восьт меным ӧдзӧстӧ! Юрӧй кӧтасис лысвасьыс, юрсиӧй вазис войся уль сынӧдсьыс. (Ныв:)
– Войнас вольпасьын ме гажтӧмтчи аслам радейтанаысь, ме корси сійӧс, но эг аддзы.
