Марк 11:23 - Коми Библия 2023

²³ «Эскӧй Енлы. Веськыда висьтала тіянлы: шуас кӧ кодкӧ тайӧ керӧсыслы: ”Кыпӧдчы да шыбитчы саридзас”, лоӧ тадзи. Сӧмын мед став сьӧлӧмнас майшасьтӧг эскас, мый шуӧмыс инас.

Марк 11:23 Referans Kwoze

Матвей 17:20

Исус шуис: «Онӧ эскӧй да. Веськыда висьтала тіянлы: лоас кӧ тіян эскӧмныд горчица тусь ыджда, верманныд шуны тайӧ керӧсыслы: ”Вешйы татысь эстчӧ” – и сійӧ вешъяс. Тіянлы нинӧм вермытӧмыс оз ло.

Иоан 15:7

Лоанныд кӧ Ме пытшкын, да Менам кывъясӧй кӧ лоӧны тіян пытшкын, сэки корӧй, мый кӧсъянныд, и лоас тіянлы.

Матвей 21:21

Исус вочавидзис: «Веськыда висьтала тіянлы: эсканныд кӧ да онӧ майшасьӧй, сэки онӧ сӧмын тайӧс вӧчӧй. Шуанныд кӧ тайӧ керӧсыслы: ”Кыпӧдчы да шыбитчы саридзас”, лоӧ тадзи.

Псалтыр 37:4

Тэнад скӧралӧмысь менам вир-яйын абу висьтӧминыс, менам мыж вӧсна лыясӧй оз ланьтлыны висьӧмысь.

Иоан 14:13

Мый коранныд Батьлысь Менам нимӧн, сійӧс Ме вӧча, медым Батьлӧн дзирдлуныс воссис Пиыс пыр.

Лука 17:6

Господь шуис: «Лоас кӧ тіян эскӧмныд горчица тусь ыджда, верманныд шуны тайӧ пуыслы: ”Нетшыштчы вужнад да вужъясь саридзас” – и сійӧ кывзысяс тіянлысь».

1 Коринфӧ 13:2

Ме кӧ пророкала да тӧда став гусяторсӧ, менам кӧ эм быдпӧлӧс тӧдӧмлун да зумыд эскӧм, верма весиг керӧсъяс вештавны, а муслуныс кӧ ме пытшкын абу, сідзкӧ, ме нинӧм.

Матвей 14:13

Тайӧс кылӧм бӧрын Исус ӧтнас пыжӧн мӧдіс овтӧминӧ. Йӧзыс тӧдмалісны та йылысь да подӧн мунісны каръяссьыныс Сы бӧрся.