Марк 10:33 - Коми Библия 2023

³³ «Ӧні ми мунам Ерусалимӧ. Сэні Морт Пиӧс сетасны аркирейяслы да Индӧдӧ велӧдысьяслы. Найӧ шуасны вины Сійӧс, сетасны ентӧдтӧмъяс киӧ.

Марк 10:33 Referans Kwoze

Матвей 27:2

Исусӧс кӧрталӧмӧн нуӧдісны юралысь Понтий Пилат дінӧ да сетісны сылы.

Марк 8:31

Исус пондіс висьтавны велӧдчысьясыслы: «Морт Пилы уна сьӧкыд ковмас нуны. Юрнуӧдысьяс, аркирейяс да Индӧдӧ велӧдысьяс ӧтдортасны Сійӧс. Сійӧс виасны, но коймӧд луннас Сійӧ ловзяс».

Матвей 26:66

Мый шуанныд?» Сылы вочавидзисны: «Мыжа! Вины Сійӧс!»

Матвей 16:21

Тайӧ кадсянь Исус кутіс висьтавлыны велӧдчысьясыслы, мый Сылы ковмас мунны Ерусалимӧ да уна сьӧкыд сэні нуны юрнуӧдысьяссянь, аркирейяссянь да Индӧдӧ велӧдысьяссянь. Сійӧс виасны, но коймӧд луннас Сійӧ ловзяс.

Яков 5:6

Ті мыждінныд да виинныд веськыда олысьӧс, сійӧ оз нин водзсась тіянлы.

Ап. уджъяс 20:22

Ӧні Лов нуӧдӧм улын ме муна Ерусалимӧ. Мый менӧ виччысьӧ сэні, ме ог тӧд.

Ап. уджъяс 13:27

Ерусалимын олысьяс да налӧн юралысьяс эз тӧдны, мый Исус эм Мездысь. Кор Сійӧс мыждісны, иніс пророкъяслӧн шуӧмыс, мый лыддьӧны быд шойччан лунӧ.

Иоан 19:11

Исус вочавидзис: «Тэ эськӧ нинӧм эн вермы вӧчны Мекӧд, эз кӧ вӧв сетӧма тэныд вылісянь. Та вӧсна Менӧ вузалысь ёнджыка на мыжа».

Иоан 18:28

Асывводзнас Каиафсянь Исусӧс нуӧдісны римса юралысьлӧн керкаӧ. Иудейяслӧн веськӧдлысьяс эз пырны керка пытшкас, медым эз пежасьны да вермисны сёйны ыджыдлунся сёян.

Лука 23:21

Но найӧ горӧдісны: «Тувъяв! Тувъяв Сійӧс!»

Лука 9:22

Сэсся шуис: «Морт Пилы уна сьӧкыд ковмас нуны. Юрнуӧдысьяс, аркирейяс да Индӧдӧ велӧдысьяс ӧтдортасны Сійӧс. Сійӧс виасны, но коймӧд луннас Сійӧ ловзяс».

Марк 15:1

Асывводзнас чукӧртчисны аркирейяс, юрнуӧдысьяс, Индӧдӧ велӧдысьяс да став веськӧдлан котырыс. Сёрнитчӧм бӧрын Исусӧс кӧрталӧмӧн нуӧдісны Пилат дінӧ да сетісны сылы.

Марк 14:64

ті асьныд кывлінныд, мый Сійӧ Енмӧс омӧльтӧ. Мый шуанныд?» Ставныс мыжалісны Исусӧс да ӧти вомӧн шуисны вины Сійӧс.

Марк 9:31

Сэні Сійӧ велӧдіс Ассьыс велӧдчысьяссӧ. Сійӧ шуис налы: «Морт Пиӧс сетасны йӧзлӧн киӧ. Сійӧс виасны, но коймӧд луннас Сійӧ ловзяс».

Исай 53:3

Йӧзыс Сійӧс увтыртісны-ӧтдортісны, Сійӧ нуис уна сьӧкыдлун да висьӧм, а ми бергӧдім Сыысь ассьыным чужӧмнымӧс. Сійӧс увтыртісны, и ми нинӧм туйӧ пуктім Сійӧс.

Марк 9:12

Сійӧ вочавидзис: «Дерт, Иллялы колӧ водзджык локны да ставсӧ лӧсьӧдны. А Морт Пи йылысь гижӧма, мый уна сьӧкыд Сылы ковмас нуны да лоны увтыртӧмаӧн.

Иоан 18:32

Тадзи инісны Исуслӧн кывъясыс, кутшӧм ногӧн Сійӧ кулас.