Марк 10:23 - Коми Библия 2023

²³ Исус видзӧдліс велӧдчысьясыс вылӧ да шуис налы: «Кутшӧм сьӧкыд озырлы пырны Енлӧн Юраланінӧ!»

Марк 10:23 Referans Kwoze

1 Коринфӧ 1:26

Вокъяс, видзӧдлӧй ас выланыд, кутшӧмӧсь ті, Енлӧн корӧмаяс. Морт видзӧдлас серти этша тіян пӧвстын мывкыдаыс, этша юралысьыс да бур рӧдысь петысьыс.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

Лука 18:24

Исус аддзис юралысьлысь шогӧ усьӧмсӧ, сэсся шуис: «Кутшӧм сьӧкыд озырлы пырны Енлӧн Юраланінӧ!

Марк 3:5

Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

2 Петыр 1:11

Сэки ті восьса ӧдзӧсӧд верманныд пырны миян Мездысь Господь Исус Кристослӧн помтӧм Юраланінӧ.

Яков 4:4

Гозъякост олӧм пежалысьяс, ті ӧмӧй онӧ тӧдӧй, мый мувывсакӧд ӧтувтчысь Енлы паныд сувтӧ? Сідзкӧ, коді кӧсйӧ ӧтувтчыны мувывсакӧд, сійӧ Енлы паныд сувтӧ.

Иоан 3:5

Исус вочавидзис: «Веськыда, веськыда висьтала тэныд: мортыс кӧ оз чуж васянь да Ловсянь, сійӧ оз вермы пырны Енлӧн Юраланінӧ.

Марк 10:15

Веськыда висьтала тіянлы: коді оз сибӧд Енлысь Юралӧмсӧ кага моз, сійӧ оз пыр Енлӧн Юраланінӧ».

Марк 5:32

Исус видзӧдліс гӧгӧрбок, медым аддзыны инмӧдчылысьӧс.

Матвей 18:3

да шуис: «Веськыда висьтала тіянлы: онӧ кӧ вежсьӧй да лоӧй челядь кодьӧсь, Енэжвыв Юраланінӧ онӧ пырӧй.

Иов 31:24

Ме ӧмӧй лача куті зарни вылӧ, шулі ӧмӧй зарнилы, тэ пӧ менӧ видзысьыс?

Марк 10:22

Исуслӧн кывъясыс шӧйӧвоштісны морттӧ. Сійӧ жугыля муніс, ӧд сылӧн озырлуныс вӧлі уна.