Марк 1:26 - Коми Библия 2023

²⁶ Пеж лов песовтіс мортсӧ, лёкысь горӧдіс да петіс сы пытшкысь.

Марк 1:26 Referans Kwoze

Марк 9:26

Пеж лов горӧдіс, песовтіс зонкасӧ да петіс сы пытшкысь. Зонка куйліс шой кодь, унаӧн весиг шуисны, мый сійӧ куліс.

Марк 9:20

Сійӧс вайӧдісны Исус дінӧ. Исусӧс аддзӧм бӧрын пеж лов дзик пыр кутіс песлӧдлыны зонкасӧ. Сійӧ усис муас, пондіс туплясьны, вомсьыс кутіс быг петны.

Лука 11:22

Но сы вылӧ кӧ уськӧдчас сыысь вынаджык, дерт, вынаджыкыс вермас сійӧс, мырддяс шыпуртсӧ, мый вылӧ сійӧ лача кутіс, да юклас босьтӧм эмбурсӧ.

Лука 9:42

Кор зонка вӧлі матыстчӧ Исус дінӧ, пеж лов шыбитіс зонкаӧс муас да кутіс песлӧдлыны. Исус ӧлӧдіс пеж лолӧс, бурдӧдіс зонкаӧс да сетіс сійӧс батьыслы.

Лука 9:39

Пеж лов топӧдлӧ сійӧс. Сэки сійӧ лёкысь горзӧ, чашйысьӧ, да вомсьыс быг петӧ. Ёна песӧм бӧрын пеж лов вӧлисти эновтӧ сійӧс.

Марк 1:25

Исус ӧлӧдіс пеж лолӧс: «Ланьт! Пет сы пытшкысь».

Марк 1:27

Став йӧзыс весьӧпӧрисны, ӧта-мӧдныслысь юасисны: «Мый тайӧ? Мыйсяма выль велӧдӧм? Сылысь кывзысьӧны весиг пеж ловъяс».