Малакий 3:8 - Коми Библия 2023

⁸ Вермас-ӧ морт мыйкӧ гусявны Енмыслысь? А ті гусяланныд Менсьым. Ті юаланныд, мый пӧ ми гусялам Тэнсьыд. Ті гусяланныд дасӧд юкӧннытӧ да мукӧд вайӧмторсӧ.

Малакий 3:8 Referans Kwoze

Матвей 22:21

Найӧ вочавидзисны: «Кесарлӧн». Исус шуис налы: «Кесарлысь сетӧй кесарлы, а Енлысь – Енлы».

Марк 12:17

Исус шуис налы: «Кесарлысь сетӧй кесарлы, а Енлысь – Енлы». Исус шемӧсмӧдіс найӧс.

Псалтыр 29:2

Господьӧй, ме ыдждӧдла Тэнӧ, ӧд Тэ кыпӧдін менӧ, эн сет менӧ мустӧмтысьлы нимкодясьны.

Римӧ 2:22

Тэ висьталан: «Гусясьны оз позь», ачыд гусясян. Шуан: «Гозъякост олӧм эн пежав», ачыд пежалан. Идолъясӧс мустӧмтан, ачыд налысь юрбитанінсӧ куштан.

Римӧ 13:7

Сідзкӧ, сетӧй быдӧнлы коланасӧ: кодлы вот сетны – сылы вот сетӧй, кодлы мын – сылы мын, кодысь колӧ повны – сыысь полӧй, кодӧс колӧ пыдди пуктыны – сійӧс пыдди пуктӧй.

Лука 20:25

Исус шуис налы: «Кесарлысь сетӧй кесарлы, а Енлысь – Енлы».

Малакий 1:13

Ті шуасянныд, ноксьӧмыс пӧ мыйта, тадзи увтыртанныд кесъялан уджнытӧ, – висьталӧ Господь Саваоф. – Кор вись пыдди ті ваянныд гусялӧм, чотысь да висьысь пемӧсӧс, ті чайтанныд, мый Ме сибӧда сійӧс? – висьталӧ Господь. –

Нав Исус 7:11

Израиль войтыр мыж вӧчис. Найӧ торкисны йитӧдӧс, мый Ме кӧрталі накӧд. Меным сиӧмторйысь аслыныс юкӧн босьтісны. Тадзи найӧ гусясисны да гусялӧмторсӧ асланыс кӧлуй улас дзебисны.

Малакий 1:8

Кор вись пыдди ваянныд синтӧм пемӧсӧс, абу-ӧ тайӧ лёктор? Чотысь да висьысь пемӧсӧс кор ваянныд, абу-ӧ тайӧ лёктор? Нуан кӧ татшӧм козинсӧ аслад юралысьлы, пондас-ӧ сійӧ нимкодясьны, сибӧдас-ӧ тэнӧ бурпырысь? – висьталӧ Господь Саваоф.

Закар 5:3

Андел шуис меным: «Сэні гижӧма, мый тайӧ мусӧ суас ёрӧм. Ӧтарладорас гижӧма, мый став гусясьысьсӧ лоӧ бырӧдӧма. Мӧдарладорас гижӧма, мый сетӧм кывсӧ торкысьясӧс тшӧтш лоӧ бырӧдӧма».

Левит 19:25

Витӧд вонас верманныд сёйны вотӧссӧ. Тадзи ті кутанныд чукӧртны унасьыс-уна вотӧс. Ме – Господь, тіян Енныд.

Шусьӧгъяс 11:24

Лышкыда сетысьлы содӧ, топыд морт ӧтарӧ гӧльмӧ.

Исай 43:23

Тэ эн вайлы Меным сотан вись пыдди ыжъясӧс, вись вайӧмӧн эн пыдди пукты Менӧ. Ме эг сьӧктӧдлы тэнӧ, эг тшӧкты вайны Меным нянь, эг тшӧкты вайны чӧскыд ӧвтанторъяс.