Малакий 3:6 - Коми Библия 2023

⁶ Ме – Господь, Ме ог вежлась! И ті, Яковлӧн пиян, абу вежсьӧмныд.

Малакий 3:6 Referans Kwoze

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Еврейяслы 13:8

Исус Кристос тӧрыт, талун да нэмъяс чӧж Сійӧ жӧ.

Яков 1:17

Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

Еремей 32:27

«Ме – Господь, став ловъя олысьыслӧн Ен. Эм-ӧ мыйкӧ Меным вермытӧмыс?

Ӧксыяслӧн 1 небӧг 15:29

Израильлӧн эскана Енмыс оз пӧръясь да оз соссьы Аслас кывъясысь. Сійӧ абу морт, мед вежны шуӧм кывсӧ».

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

Восьтӧм 1:8

«Ме эм Альфа и Омега, Панасыс и Помыс», – шуӧ Господь. Сійӧ эм, вӧлі и локтас, Сійӧ – Ставсӧвермысьыс.

Восьтӧм 22:13

Ме эм Альфа и Омега, Панасыс и Помыс, Медводдзаыс и Медбӧръяыс».

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Псалтыр 103:17

Налӧн вожъяс вылӧ поздысьӧны лэбачьяс, сэтчӧ поздысьӧны аистъяс.

Филипӧ 1:6

Енмыс панӧма нин бур уджсӧ тіян пытшкын, и ме эска, мый Исус Кристослӧн локтан лунӧдз Сійӧ вайӧдас уджсӧ помӧдз.

Исай 41:13

Ме – Господь, тэнад Енмыд, Ме кута тэнӧ веськыд киӧдыд, шуа: «Эн пов, Ме отсала тэныд».

Осий 11:9

Ме ог лэдз ыпъявны Аслам скӧрлунӧйлы, Ме ог нин бырӧд Ефремӧс, ӧд Ме – Ен, абу морт. Ме, Вежаыс, тэ пӧвстын, скӧрлунӧн тэ дінӧ ог лок.

Олӧм 15:7

Господь шуис Ӧврамлы: «Ме Господь, коді петкӧдіс тэнӧ Калдея Урысь, медым сетны тайӧ мусӧ тэныд».

Римӧ 5:10

Ми кӧ, Енмыслы коркӧя паныд сувтысьяс, бурасим Сыкӧд Пиыслӧн кулӧм пыр, дерт нин, ӧні ми, бурасьӧмаяс, мездмам Кристослӧн олӧм пыр.

Олӧм 22:16

«Тэ вӧлін дась сетны Меным ассьыд ӧтка питӧ. Та вӧсна Ме Ачым тэныд кыв сета, – висьталӧ Господь, –

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Даниил 6:26

Ме тшӧкта, мый быдлаын менам юраланінын мед поласны-тіраласны Данииллӧн Енмысь. Сійӧ – Ловъя Ен, помтӧг олысь Ен, Сылӧн юралӧмыс зумыд, Сылӧн ыджыдалӧмыс помасьлытӧм.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Исай 46:4

Тіян пӧрысь кадӧдз Ме лоа Сійӧ жӧ, тіян дзормытӧдзныд Ме новлӧдла тіянӧс. Ме вӧчи тіянӧс, и нуа тіянӧс, новлӧдла да видза тіянӧс.