Малакий 3:5 - Коми Библия 2023

⁵ – Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Малакий 3:5 Referans Kwoze

Еврейяслы 13:4

Гозъякост олӧмныд мед лоӧ сӧстӧм, вольпасьныд мед лоӧ пежасьтӧм, ӧд кырсалысьӧс да гозъякост олӧм пежалысьӧс мыждас Ен.

Индӧд 5:11

Аслад Господь Енлысь нимсӧ весьшӧрӧ эн шуав, ӧд Господь оз коль мыждытӧг сійӧс, коді весьшӧрӧ шуалӧ Сылысь нимсӧ.

Яков 5:4

Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.

Малакий 2:14

Ті юаланныд: «Мый понда оз сибӧд?» Сыысь, мый тэ эновтін том кадӧ босьтӧм гӧтыртӧ, кодкӧд тэнад вӧлі йитӧд. Ӧні тэ да гӧтырыд костын мыжалысьыс – Господь.

Индӧд 27:19

”Ёрӧм улӧ веськалӧ быдӧн, коді йӧз муысь локтысьлысь, батьтӧм-мамтӧмлысь да дӧвалысь могъяссӧ оз веськыда видлав”. И став войтырыс мед шуас: ”Мед лоӧ тадзи!”

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Левит 20:27

Кулӧмаӧс корысьӧс да тунасьысьӧс колӧ вины, ань-ӧ сійӧ либӧ айлов. Сійӧс мед изъяласны, сійӧ ачыс лоӧ мыжа аслас кулӧмысь».

Левит 20:6

Коді шыасяс кулӧмаӧс корысь либӧ туналысь дінӧ да кырсалысь ань моз мунас на бӧрся, сылы Ме паныд сувта да бырӧда сійӧс войтыр пӧвстысь.

Левит 19:13

Некодӧс эн дзескӧд, некодлысь эн мырддяв. Медалӧм мортлысь удждонсӧ ас дінад асылӧдзыс эн кут.

Малакий 2:17

Ті дӧзмӧданныд Господьӧс асланыд сёрниӧн и та дырйи юасянныд, мыйӧн пӧ ми Сійӧс дӧзмӧдам. Дӧзмӧданныд сійӧн, мый шуаланныд, лёк вӧчысь пӧ шогмана Господьлы, татшӧм мортыс пӧ муса Сылы. Нӧшта дӧзмӧданныд сійӧн, мый шуаланныд, кӧні пӧ веськыда мыждысь Енмыс.

Еремей 29:23

Ӧд Израильын найӧ вӧчисны зывӧкторъяс: найӧ пежалісны гозъякост олӧм мукӧдлӧн гӧтыръяскӧд, Менам нимсянь висьтавлісны ылӧгсӧ, мый Ме эг тшӧктывлы висьтавны. Ме тӧда та йылысь, ӧд Ачым аддзылі тайӧс, – висьталӧ Господь».

Шусьӧгъяс 16:6

Буралӧм да збыль вештӧны мыжсӧ, Господьысь полӧм ылыстӧ лёксьыс.

Шусьӧгъяс 8:13

Коді Господьысь полӧ, сійӧ мустӧмтӧ лёксӧ. Тшапитчӧм да асьтӧ вылӧ пуктӧм, лёк оласног да ылӧг сёрни ме мустӧмта.

Псалтыр 98:9

Ыдждӧдлӧй Господьӧс, миянлысь Енмӧс! Копыртчӧй Сылӧн вежа керӧслань, ӧд Господь, миян Енным, вежа!

Римӧ 3:8

Гашкӧ, пондам вӧчны лёксӧ, мед вӧлі бур? Кодсюрӧ омӧльтӧны миянӧс да шуӧны, мый ми тадзи велӧдам. Татшӧмъяссӧ виччысьӧ веськыда мыждӧм.

Микей 1:2

– Кывзӧй, войтыръяс! Кывзы, му! Кывзӧй, сэні олысьяс! Господь Ыджыдыс ставсӧ аддзӧ – Сійӧ локтас Аслас вежа крамысь да мыжалас тіянӧс.

Псалтыр 81:8

Енмӧй, кыпӧдчы да мыжды му вылын олысьясӧс, ӧд войтыръясыс – Тэнад.

Неемий 5:15

Меӧдз вӧвлӧм юралысьяс сьӧктӧдлӧмаӧсь войтырсӧ. Нелямын сикель эзысьысь ӧтдор найӧ босьтлӧмаӧсь нянь да вина. Весигтӧ налӧн кесйӧгъясыс дзескӧдлӧмаӧсь войтырсӧ. Но ме Енмысь полӧм вӧсна эг вӧч на моз.

Индӧд 24:17

Йӧз муысь локтысьлысь да батьтӧм-мамтӧмлысь [да дӧвалысь] могъяссӧ видлалігӧн лоӧй веськыдӧсь. Дӧвалысь паськӧмсӧ уджйӧзӧн сетӧмсьыныд энӧ босьтӧй.

Левит 20:10

Узяс кӧ кодкӧ мӧдлӧн гӧтыркӧд, найӧ кыкнанныс гозъякост олӧм пежалӧны. Найӧс колӧ вины.

Петӧм 18:21

Бӧрйы войтыр пӧвстысь тӧлка йӧзӧс, кодъяс полӧны Енмысь. Найӧ мед вӧліны веськыдӧсь, эз горшасьны. Пукты ӧтиясӧс веськӧдлыны сюрс мортӧн, мӧдъясӧс – сё мортӧн, коймӧдъясӧс – ветымын мортӧн, нёльӧдъясӧс – дас мортӧн. [Пукты тшӧтш гижӧдӧ велӧдысьясӧс.]

Петӧм 1:17

Гӧгиньяс полісны Енмысь, та вӧсна эз кутны кывзыны египетса ӧксыӧс, пи кагаясӧс найӧ ловйӧн кольлісны.

Олӧм 42:18

Коймӧд луннас Ӧсип шуис налы: «Вӧчӧй, мый ме тшӧкта, сэки ловйӧн колянныд, ӧд ме пола Енсьыс.

Яков 5:12

Вокъясӧй, медвойдӧр кора тіянӧс, энӧ сетӧй кывнытӧ ни енэж водзын, ни му водзын, ни мукӧдтор водзын. Тіян ”да”-ныд мед лоӧ сӧмын ”да”, тіян ”ог”-ныд мед лоӧ сӧмын ”ог”. Сэки тіянӧс оз мыждыны.

1 Фессалоникаӧ 4:6

Эскысь мед оз вӧч лёксӧ мӧд эскысьлы, оз ылӧдлы сійӧс, ӧд Господь мыждас таысь. Та йылысь висьтавлім нин тіянлы да ӧлӧдлім тіянӧс.

Лука 23:40

Мӧдыс ӧлӧдіс сійӧс: «Тэ ӧмӧй Енсьыс он пов? Тэнӧ ӧд Сы моз жӧ тувъялӧма.

Псалтыр 36:1

Давидлӧн псалом. Эн дӧзмы лёк вӧчысьяс вылӧ, эн вежав Индӧд торкысьяс вылӧ.

Олӧм 20:11

Ӧвраам шуис: «Ме чайті, мый татчӧс йӧзыс оз повны Енсьыс да гӧтыр вӧсна вермасны вины менӧ.

Индӧд 18:10

Некод тіян пӧвстысь мед оз сот ассьыс писӧ либӧ нывсӧ вись пыдди. Тіян пӧвстын мед оз ло тунасьысь, кимӧститчысь, тшыкӧдчысь,

Исай 57:3

Матыстчӧй татчӧ, кимӧститчысьлӧн челядь, гозъякост олӧм пежалысьлӧн да кырсалысь аньлӧн чужысьяс.

Еремей 5:2

– Найӧ кыв сетӧны ловъя Господь водзын, но налӧн кыв сетӧмныс – пӧръясьӧм.

Еремей 5:29

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Еремей 23:10

Муыс тырӧма Енсӧ эновтысьясӧн, муыс бӧрдӧ, ӧд сійӧс ёрӧма, овтӧминса йирсянінъяс косьмӧмаӧсь. Йӧзыслӧн кӧсйӧмыс – лёк вӧчны, налӧн выныс – ылӧг.

Еремей 27:9

Энӧ кывзӧй ассьыныд пророкъяснытӧ, туналысьяснытӧ, вӧтъяс висьталысьяснытӧ, кимӧститчысьяснытӧ да тшыкӧдчысьяснытӧ, кодъяс шуалӧны тіянлы, ті пӧ онӧ кутӧй кесъявны вавилонса ӧксылы.

Еремей 27:10

Ӧд найӧ юӧртӧны тіянлы ылӧгсӧ, медым ылыстны тіянӧс асланыд муысь. Кывзанныд кӧ найӧс, Ме вӧтла тіянӧс, и ті куланныд.

Еремей 42:5

Найӧ шуисны Еремейлы: «Господь мед лоӧ эскана да збыль аддзылысь-висьталысьӧн. Сійӧ мед висьталас миянлы паныд, ми кӧ огӧ вӧчӧй ставсӧ сідзи, кыдзи тшӧктӧ Господь, тэнад Енмыд.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Закар 11:12

Ме шуи налы: «Кӧсъянныд кӧ, мынтӧй меным ассьым удждонӧс, онӧ кӧ кӧсйӧй – энӧ мынтӧй». Найӧ сетісны меным комын эзысь сьӧм.

Петӧм 20:7

Аслад Господь Енлысь нимсӧ весьшӧрӧ эн шуав, ӧд Господь оз коль мыждытӧг сійӧс, коді весьшӧрӧ шуалӧ Сылысь нимсӧ.

Петӧм 22:20

Коді вайӧ вись мукӧд енъяслы Господьлы кындзи, сійӧс мед лоӧ бырӧдӧма.

Индӧд 15:13

Но куш киӧн эн лэдз сійӧс.

Иов 7:2

Кесйӧг моз сійӧ корсьӧ пуксьывны гож сайӧ, медалӧм морт моз виччысьӧ удждон.

Иов 31:12

Татшӧм мыжыс эськӧ кушӧдз нетшкис менсьым быдмӧм няньӧс, би моз эськӧ ньылыштіс да бырӧдіс ставсӧ.

Малакий 1:6

– Пиыс ассьыс батьсӧ пыдди пуктӧ, кесйӧг – ассьыс ыджыдсӧ. Ме кӧ тіян Бать, мыйла ті онӧ пыдди пуктӧй Менӧ? Ме кӧ тіян Господь, кӧні Меысь вежавидзӧмныд? Тайӧс Ме, Господь Саваоф, юала тіянлысь, попъяс, кодъяс нинӧмӧ пуктанныд Менӧ. Ті юаланныд: «Мыйӧн ми нинӧмӧ пуктам Тэнӧ?»