Малакий 2:8 - Коми Библия 2023

⁸ – Но ті кежинныд тіянлы индӧм туй вылысь, тіян велӧдӧм вӧсна унаӧн крукасисны. Ті торкинныд Менсьым йитӧдӧс, мый Ме кӧрталі Левийкӧд, – висьталӧ Господь Саваоф. –

Малакий 2:8 Referans Kwoze

Неемий 13:29

Казьтышт налы, Енмӧй, мый найӧ пежалісны поп чинсӧ и торкисны йитӧдтӧ, мый Тэ кӧрталін попъяскӧд да левитъяскӧд.

Еремей 18:15

Но Менам войтырӧй вунӧдіс Менӧ, найӧ сотӧны висьяс абутӧм енъяслы. Найӧ крукасисны асланыс туй вылын, кежисны важ туй вылысь, ӧні ветлӧдлӧны сэті, кӧні туйыс абу.

Малакий 2:5

Менам йитӧдӧй накӧд вӧлі татшӧм: Ме сеті налы олӧм да лӧньлун, а найӧ пыдди пуктісны Менӧ да вежавидзисны Меысь.

Езекиль 44:10

Левитъясӧс, кодъяс ылыстчисны Меысь, кор Израиль войтыр кежис Меысь да юрбитіс аслас идолъяслы, лоӧ мыждӧма мыжъяссьыныс.

Еремей 17:5

Господь тадзи висьталӧ: – Ёрӧма сійӧ мортсӧ, коді лача кутӧ морт вылӧ, коді мыджсьӧ мувывса олысь вылӧ, кодлӧн сьӧлӧмыс ылыстчӧ Господьысь.

Исай 30:11

Вешйӧй туй вылысь, кежӧй ветлан туй вылысь, водзӧ энӧ казьтывлӧй миянлы Израильлӧн вежа Ен йылысь».

Ӧксыяслӧн 1 небӧг 2:17

Илий пиянлӧн мыжыс Господь водзын вӧлі зэв ыджыд, ӧд найӧ эз пыдди пуктыны Господьлы вись вайӧмсӧ.

Еврейяслы 3:12

Вокъяс, видзчысьӧй, тіян пиысь мед некод эз вӧв эскытӧмӧн, эз ов лёк мӧвпъясӧн, медым энӧ кежӧй ловъя Енмысь.

Римӧ 14:21

Бурджык, он кӧ сёй яй, он ю вина, он вӧч нинӧм сэтшӧмсӧ, мыйӧ вокыд крукасьӧ да усьӧ.

Исай 59:13

Ми кыпӧдчим Господьлы паныд, пӧрйӧдлім Сійӧс, бергӧдчим асланым Енмысь, ми суклясим-асныралім, новлӧдлім сьӧлӧманым ылӧгсӧ да висьтавлім сійӧс.

Исай 9:16

Юрнуӧдысьяс кежӧдісны Израиль войтырӧс ылӧг туй вылӧ, и на бӧрся мунысьяс вошисны.

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.

Ӧксыяслӧн 1 небӧг 2:24

Дугдӧй, пиянӧй, вӧчны пежсӧ. Ог бурторъяс ме кыв тіян йылысь. Господьлӧн войтырыс лёктор висьталӧ тіян йылысь.

Левит 21:15

медым эз пежав ассьыс водзӧ чужысьяссӧ. Ме – Господь [Ен], сійӧс Вежӧдысь».

Еремей 17:13

Господьӧй, Тэ – Израильлӧн лачаыс! Тэнӧ эновтысьяс ставныс яналасны, Тэысь кежысьяс бырасны бус вылӧ гижӧм нимъяс моз, ӧд найӧ эновтісны Господьӧс, ловъя ва петанінсӧ.

Лыд 25:12

Висьтав Пинеслы, мый Ме кӧртала сыкӧд йитӧд да сета сылы став бурсӧ.

Лыд 25:13

Тайӧ йитӧд сертиыс сылы да сысянь чужысьяслы нэмъяс кежлӧ шуӧма кесъявны попъясӧн. Ӧд сійӧ петкӧдліс аслас Ен вӧсна вежӧгтӧмсӧ, и тадзи вештіс Израиль пиянлысь мыжсӧ».

Еремей 2:8

Попъяс эз корсьны Господьӧс, Индӧдӧ велӧдысьяс эз тӧдны Менӧ, Менсьым войтырӧс видзысьяс кыпӧдчисны Меным паныд, пророкъяс пророкалісны Ваал нимсянь. Найӧ ставныс юрбитісны идолъяслы, кодъяс отсавны оз вермыны.

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Софоний 3:4

Сэні олысь пророкъяс – ылӧдчысь да шогмытӧм йӧз. Попъясыс пежалӧны вежаинсӧ, нинӧмӧ пуктӧны Енлысь Индӧдсӧ.

Ӧксыяслӧн 4 небӧг 16:11

Ахаз ӧксылӧн бӧрсӧ локтӧдз Урий поп вӧчис висьпуктанінсӧ дзик сійӧ серпасыс да балаыс серти, мый Ахаз ӧксы ыстыліс сылы Дамаскысь.

Шусьӧгъяс 12:8

Мортӧс ошкӧны сылӧн мывкыдыс серти, лёкӧн тырӧм сьӧлӧмаӧс зывӧктӧны.

Езекиль 22:26

Ерусалимса попъяс торкӧны Менсьым Индӧдӧс, пежалӧны Меным сиӧм вежаторъясӧс. Найӧ оз торйӧдны, мый вежа, а мый абу вежа, оз висьтавны, мый пеж, а мый сӧстӧм. Найӧ оз тӧждысьны Менсьым шойччан лунӧс видзӧм вӧсна. Меысь вежавидзӧмыс налӧн абу.

Езекиль 44:7

Ті вайӧданныд Менам вежаинӧ йӧз муысь локтысьясӧс, сьӧлӧмнас да вир-яйнас вундыштчытӧмъясӧс. На дырйи Меным гос да вир вайӧмӧн ті пежаланныд Менсьым крамӧс. Асланыд пеж уджъясӧн ті торканныд йитӧдӧс, мый Ме кӧрталі тіянкӧд.

Езекиль 44:12

Сыысь, мый найӧ кесъялісны Израиль войтырлы идолъяс водзаныс да тайӧн мыжӧ кыскисны войтырӧс, Ме лэпті на вылӧ Ассьым киӧс, – висьталӧ Господь Ыджыдыс. – Мыжныс вӧсна найӧ нуасны мыждӧм.

Малакий 1:6

– Пиыс ассьыс батьсӧ пыдди пуктӧ, кесйӧг – ассьыс ыджыдсӧ. Ме кӧ тіян Бать, мыйла ті онӧ пыдди пуктӧй Менӧ? Ме кӧ тіян Господь, кӧні Меысь вежавидзӧмныд? Тайӧс Ме, Господь Саваоф, юала тіянлысь, попъяс, кодъяс нинӧмӧ пуктанныд Менӧ. Ті юаланныд: «Мыйӧн ми нинӧмӧ пуктам Тэнӧ?»