Малакий 2:12 - Коми Библия 2023

¹² Господь мед бырӧдас Яков рӧдысь быдӧнӧс, коді дорйӧ татшӧмтор вӧчысьӧс. Мед оз сюр некод, коді эськӧ сы вӧсна вись ваяс Господь Саваофлы.

Малакий 2:12 Referans Kwoze

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

2 Тимофейлы 3:13

А лёк да пӧръясьысь йӧзлӧн лёк вӧчӧмыс кутас содны. Найӧ унаӧс ылӧдасны, асьныс тшӧтш ылаласны.

Матвей 15:14

Кольӧй найӧс. Найӧ синтӧмӧсь, и синтӧмъясӧс нуӧдӧны. Синтӧм кӧ нуӧдӧ синтӧмӧс, кыкнанныс гуранӧ усясны».

Малакий 2:10

Абу-ӧ миян ставнымлӧн ӧти Бать? Эз-ӧ ӧти Ен вӧч миянӧс ставнымӧс? Мыйла, сідзкӧ, ми пӧръясьӧмӧн олам ӧта-мӧдкӧд, пежалам йитӧдсӧ, мый Енмыс кӧрталіс батьяснымкӧд?

Малакий 1:10

Бурджык, тіян пиысь кӧ кодкӧ йигналас крамлысь ӧдзӧссӧ, медым весьшӧрӧ энӧ сотӧй бисӧ Менам висьпуктанін вылын. Ті Меным абу шогманаӧсь, – висьталӧ Господь Саваоф, – и тіянлысь вайӧмторъяснытӧ Ме ог сибӧд.

Закар 12:7

Господь медводз мездас Иудалысь оланінсӧ, медым Давидлӧн рӧдыс да Ерусалимын олысьяс эз нимавны Иуда войтырысь ёнджыка.

Амос 5:22

Ваянныд кӧ Меным сотан да нянь висьяс, Ме ог сибӧд найӧс. Бурасян вись пыдди кӧ ваянныд тшӧгӧдӧм куканьясӧс, Ме ог видзӧдлы на вылӧ.

Езекиль 24:21

Господь Ыджыдыс тшӧктіс меным висьтавны Израиль войтырлы, мый Сійӧ тадзи висьталӧ: Ме сета пежавны Ассьым вежаинӧс – тіянлысь син гажӧданторнытӧ да сьӧлӧм бурӧданторнытӧ, тіянлысь зумыд пыкӧднытӧ, мыйӧн ті ошйысянныд. Ныв-пиныд, кодъясӧс ті колинныд карас, куласны шыпурт помысь.

Езекиль 14:10

Пророклысь юасьысь и пророкалысь ӧтмоза мыжмасны. Кыкнаннысӧ лоӧ мыждӧма,

Исай 66:3

Ӧшкӧс начкысь да вись пыдди вайысь [коді торкӧ Индӧдсӧ] морт виысь кодь, ыжӧс вись пыдди вайысь понлысь голясӧ песовтысь кодь, нянь вись вайысь порсьлысь вирсӧ вись пыдди вайысь кодь, казьтылан вись пыдди чӧскыд ӧвтанторъяс тшынӧдысь идоллы копрасьысь кодь. Найӧ бӧрйисны ассьыныс туйнысӧ, найӧ радейтӧны пежсӧ вӧчны.

Исай 61:8

– Ме, Господь, Ме радейта веськыда мыждӧм, мустӧмта мырддялӧм да лёк вӧчӧм. Ме мынтыся Аслам войтырлы збыльыс серти, Ме кӧртала накӧд бырлытӧм йитӧд.

1 Каднебӧг 25:8

Найӧ пудъясисны, кодлы кор кесъявны. Ыджыдджыкъяс и томджыкъяс, велӧдысьяс и велӧдчысьяс пудъясисны ӧтмоза.

Ӧксыяслӧн 1 небӧг 3:14

Та вӧсна Ме кыв сетӧмӧн шуа Илий рӧдлы, мый висьяс да вайӧмторъяс некор оз вештыны Илий рӧдлысь мыжсӧ».

Лыд 24:5

Кутшӧм мичаӧсь тіян чомъясныд, Яковсянь чужысьяс, тіян оланінъясныд, Израиль войтыр!

Левит 20:3

Тайӧ мортыслы Ме паныд сувта, бырӧда сійӧс войтыр пӧвстысь сы понда, мый ассьыс кагасӧ Молок идоллы сетіс. Тайӧн сійӧ Менсьым вежаинӧс пежаліс да Менсьым вежа нимӧс янӧдіс.

Левит 18:29

Татшӧм зывӧкторсӧ вӧчысьӧс лоӧ бырӧдӧма аслас войтыр пӧвстысь.

Осий 9:12

Весиг кӧ быдтасны челядьнысӧ, Ме босьта найӧс. Курыд шог лоӧ Ефремлы, кор Ме бергӧдча сыысь.

Малакий 1:13

Ті шуасянныд, ноксьӧмыс пӧ мыйта, тадзи увтыртанныд кесъялан уджнытӧ, – висьталӧ Господь Саваоф. – Кор вись пыдди ті ваянныд гусялӧм, чотысь да висьысь пемӧсӧс, ті чайтанныд, мый Ме сибӧда сійӧс? – висьталӧ Господь. –