Малакий 1:10 - Коми Библия 2023

¹⁰ Бурджык, тіян пиысь кӧ кодкӧ йигналас крамлысь ӧдзӧссӧ, медым весьшӧрӧ энӧ сотӧй бисӧ Менам висьпуктанін вылын. Ті Меным абу шогманаӧсь, – висьталӧ Господь Саваоф, – и тіянлысь вайӧмторъяснытӧ Ме ог сибӧд.

Малакий 1:10 Referans Kwoze

1 Петыр 5:2

видзӧй тіянлы сетӧм Енлысь йӧз чукӧрсӧ. Тӧждысьӧй на вӧсна нимкодьпырысь да Енлы шогмана ногӧн, энӧ мырдӧнпырысь. Вӧчӧй тайӧс сьӧлӧмсяньныд, а энӧ аслыныд мыйкӧ куралӧм могысь.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Осий 5:6

Асланыс ыжъясӧн да ӧшъясӧн найӧ мунасны корсьны Господьӧс, но оз аддзыны Сійӧс, ӧд Сійӧ ылыстчис наысь.

Еремей 6:20

Меным оз ков Саваысь вайӧм ладаныс, оз ков ылі муысь вайӧм чӧскыд дука туруныс. Тіянлысь сотан висьяснытӧ Ме ог кӧсйы, тіян висьясныд Меным абу шогманаӧсь».

Еремей 14:12

Весиг кӧ найӧ кутасны видзавны, Ме ог кыв налысь кевмӧмсӧ. Весиг кӧ найӧ ваясны сотан вись да нянь вись, Ме ог сибӧд найӧс. Ме бырӧда найӧс шыпуртӧн, тшыгъялӧмӧн да пӧрӧс висьӧмӧн».

Еремей 8:10

Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еврейяслы 10:38

Веськыда олысь эскӧмнас кутас овны, а кежас кӧ Меысь, Меным сійӧ оз шогмы.

Филипӧ 2:21

Ставныс сӧмын ас вӧснаныс тӧждысьӧны, оз Исус Кристослы кесъялӧм вӧсна.

1 Коринфӧ 9:13

Ті ӧд тӧданныд, мый крамын кесъялысьяс пӧткӧдӧны асьнысӧ крамӧ вайӧмторйӧн, а висьпуктанінын кесъялысьяс босьтӧны аслыныс пай висьпуктанін вылӧ вайӧмторйысь.

Иоан 10:12

Меда морт оз ассьыс ыжъяссӧ видз. Кор сійӧ аддзӧ локтысь кӧинӧс, эновтӧ ыжъяссӧ да пышйӧ. Сэки кӧин косявлӧ ыжъяссӧ, да найӧ разалӧны.

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 14:10

Тайӧ войтырыс йылысь Господь тадзи висьталӧ: «Найӧ ветлӧдлӧны, кытчӧ кӧсйӧны, ассьыныс кокнысӧ оз видзны. Но Ме, Господь, мустӧмта тайӧс. Ме ог вунӧд налысь лёк вӧчӧмнысӧ, а мыжда найӧс мыжъяссьыныс».

Малакий 1:13

Ті шуасянныд, ноксьӧмыс пӧ мыйта, тадзи увтыртанныд кесъялан уджнытӧ, – висьталӧ Господь Саваоф. – Кор вись пыдди ті ваянныд гусялӧм, чотысь да висьысь пемӧсӧс, ті чайтанныд, мый Ме сибӧда сійӧс? – висьталӧ Господь. –

Малакий 2:12

Господь мед бырӧдас Яков рӧдысь быдӧнӧс, коді дорйӧ татшӧмтор вӧчысьӧс. Мед оз сюр некод, коді эськӧ сы вӧсна вись ваяс Господь Саваофлы.

Ӧксыяслӧн 4 небӧг 12:6

Йоас ӧксы веськӧдліс кызь коймӧд во нин, но попъяс эз на дзоньтавны крамсӧ.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Малакий 2:13

Со мый ті нӧшта вӧчанныд: кыз синваӧн бӧрданныд Господьлӧн висьпуктанін дорын, сыркъялӧмӧн бӧрданныд, ӧд Господь бергӧдчис тіян вись дорысь, эз сибӧд вайӧмторнытӧ.