Лыд 9:8 - Коми Библия 2023

⁸ Мӧисей налы шуис: «Виччысьӧй. Ме ветла юавны Господьлысь, мый Сійӧ шуас тіян йылысь».

Лыд 9:8 Referans Kwoze

Псалтыр 85:8

Господьӧй, енъяс пӧвстын Тэ кодь мӧдыс абу, абуӧсь Тэ моз вӧчӧм уджъясыс.

Лыд 27:5

Мӧисей висьталіс налысь могсӧ Господьлы.

1 Коринфӧ 11:23

Ме висьтавлі нин тіянлы, мый Ачыс Господь меным висьталіс. Господь Исус, Сійӧс вузалан войӧ, босьтіс нянь,

1 Коринфӧ 4:4

Сьӧлӧмӧй оз мыжды менӧ, но тайӧ оз на висьтав менам веськыдлун йылысь, ӧд менӧ мыждысьыс – Господь.

Ап. уджъяс 20:27

ме ӧд ланьтлытӧг висьтавлі тіянлы Енлысь став кӧсйӧмсӧ.

Иоан 17:8

Ме висьталі налы Тэнсьыд кывъястӧ. Найӧ сибӧдісны тайӧ кывъяссӧ да збыльысь тӧдӧны, мый Ме Тэсянь локті. Найӧ эскӧны, мый Тэ Менӧ мӧдӧдін.

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Езекиль 3:17

«Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Езекиль 2:7

Кывзас-ӧ тэнӧ тайӧ асныра войтырыс либӧ оз, висьтав налы Менсьым кывъясӧс.

2 Каднебӧг 20:17

Энӧ тышкасьӧй накӧд, сӧмын сулалӧй да видзӧдӧй, кыдзи Господь мездас тіянӧс. Иудаын да Ерусалимын олысьяс, энӧ полӧй да энӧ тіралӧй! Петӧй аски налы паныд. Господь лоӧ тіянкӧд».

Петӧм 14:13

Мӧисей шуис войтырыслы: «Энӧ полӧй. Сулалӧй да видзӧдӧй, кыдзи Господь талун мездас тіянӧс. Египетса йӧзӧс, кодъясӧс ті ӧні аддзанныд, сэсся онӧ нин аддзылӧй.

Петӧм 18:15

Мӧисей висьталіс тесьтыслы: «Войтырыс локтӧ ме дінӧ юасьны Енлысь кӧсйӧмсӧ.

Лыд 9:7

да шуисны: «Морт шой дінӧ инмӧдчылӧмысь ми лоим пежӧсь. Миянлы ӧмӧй оз позь индӧм кадӧ Израиль войтыркӧд вись вайны Господьлы?»

Лыд 9:9

Господь шуис Мӧисейлы:

Лыд 15:34

Сійӧс видзисны йӧршитӧмӧн, ӧд эз на вӧв шуӧма, мый сыкӧд вӧчнысӧ.

Левит 24:12

Сійӧс йӧршитісны да видзисны дзескыдінын, кытчӧдз Господь эз шу, мый сыкӧд вӧчны.