Лыд 9:15 - Коми Библия 2023

¹⁵ Сійӧ лунӧ, кор вӧлі сувтӧдӧма вежа чомсӧ, сійӧс вевттис кымӧр. Рытсяньыс асылӧдзыс вежа чом весьтын ӧзъяліс мыйкӧ би сяма.

Лыд 9:15 Referans Kwoze

Петӧм 13:21

Луннас Господь муніс на водзвылын кымӧр сюръя пытшкын, медым индыны туйсӧ, а войнас – би сюръя пытшкын, медым югзьӧдны туйсӧ. Тадзи найӧ вермисны мунны луннас и войнас.

Петӧм 40:34

Сэки вежа чомсӧ вевттис кымӧр. Господьлӧн дзирдлуныс тыртіс вежа чомсӧ.

Неемий 9:19

но Тэ вӧлін на дінӧ бур сьӧлӧма, Тэ эн эновт найӧс овтӧминын. Луннас кымӧр сюръя эз вешйыв на дінысь, а нуӧдіс найӧс, войнас биа сюръя югзьӧдіс налысь туйсӧ, кыті налы колӧ вӧлі мунны.

1 Коринфӧ 10:1

Вокъяс, кӧсъя казьтыштны тіянлы, мый миян батьяс ставныс ветлісны кымӧр улын да вуджисны саридз вомӧн.

Исай 4:5

Сэки Господь ставнас Сион керӧссӧ да сэні гажӧдчыны чукӧртчысьясӧс луннас вевттяс кымӧрӧн, а войнас вевттьӧд пыдди лоӧ тшын да ыпъялысь би. Тадзи ставсӧ лоӧ вевттьӧма дзирдлунӧн.

Псалтыр 105:39

Уджъяснас найӧ пежалісны асьнысӧ, кырсалысь ань моз сетчисны идолъяслы.

Неемий 9:12

Луннас Тэ нуӧдін найӧс кымӧр сюръяӧн, войнас Тэ югзьӧдін налысь туйсӧ биа сюръяӧн.

Лыд 14:14

Найӧ висьталасны та йылысь татчӧс олысьяслы, кодъяс кывлісны нин, мый Тэ, Господьӧй, олан Аслад войтырыд пӧвстын да аддзана ногӧн петкӧдчылан сылы. Найӧ кывлісны, мый Тэнад кымӧрыд сулалӧ войтырыд весьтын, и мый Тэ мунан сы водзвылын луннас кымӧр сюръя пытшкын, а войнас би сюръя пытшкын.

Петӧм 40:38

Став Израиль войтыр аддзыліс, мый луннас Господьлӧн кымӧрыс сулаліс вежа чом весьтын, а войнас кымӧр пытшкас ӧзйис би. Тадзи пыр вӧлі налӧн ветлігчӧжныс.

Петӧм 40:2

«Медводдза тӧлысьлӧн медводдза лунӧ сувтӧд вежа чом.

Петӧм 14:24

Кыа петтӧдз Господь видзӧдліс би да кымӧр сюръя пытшсяньыс египетса тышкайӧз вылӧ да шӧйӧвоштіс найӧс.

Петӧм 13:22

Луннас кымӧр сюръя да войнас би сюръя эз вешйывны на водзысь.

Лыд 10:34

Луннас сувтанінысь мӧдӧдчигӧн Господьлӧн кымӧрыс вӧлі на весьтын.

Лыд 17:7

Мӧисей пуктіс бедьяссӧ вежа чомйӧ Господь водзӧ.

Индӧд 1:33

коді муніс тіян водзвылын, медым корсьны тіянлы сувтланінъяс. Войнас Сійӧ муніс би сюръя пытшкын, а луннас – кымӧр сюръя пытшкын. Татшӧм ногӧн Сійӧ индыліс тіянлы туйсӧ.

Петӧм 40:35

Мӧисей эз вермы пырны вежа чомйӧ, ӧд вежа чомсӧ вӧлі вевттьӧма кымӧр. Господьлӧн дзирдлуныс тыртіс вежа чомсӧ.