Лыд 9:14 - Коми Библия 2023

¹⁴ Овмӧдчас кӧ тіян ордӧ йӧз муысь локтысь, сылы тшӧтш колӧ пасйыны Господьлы сиӧм Ыджыд лун, кыдзи тшӧктӧма-индӧма Ыджыд лун йылысь. Вужвойтырлы да йӧз муысь локтысьяслы тшӧктӧмыс ӧти».

Лыд 9:14 Referans Kwoze

Левит 24:22

Ӧткодя мыждӧй мортӧс, вужвойтырысь-ӧ сійӧ либӧ йӧз муысь локтысь. Ме – Господь, тіян Енныд».

Индӧд 31:12

Чукӧртӧй войтырнытӧ: айуловӧс да аньясӧс, ныв-пинытӧ да тіян каръясын олысь йӧз муысь локтысьясӧс, мед найӧ кывзасны да велӧдчасны повны Господьысь, тіян Енмысь, да овны тайӧ Индӧдыслӧн кывъясыс серти.

Индӧд 29:11

тіян челядьныд, гӧтыръясныд, йӧз муысь локтысьяс, кодъяс тіянлы пес кералӧны да ва ваялӧны.

Левит 25:15

Мутӧ ньӧбигӧн либӧ вузалігӧн мынтысь вояс арталӧмӧн. Кымын во кольӧ тшупӧда воӧдз, сійӧ воясысь колӧ мынтыны.

Левит 22:25

Доймӧм пемӧсӧс либӧ пемӧсӧс, кодлӧн эм тырмытӧмтор, мукӧд войтырлысь энӧ ньӧбӧй, медым вись пыдди вайны асланыд Енлы. А ваянныд кӧ, ті онӧ лоӧй шогманаӧсь Господьлы».

Левит 19:10

Виноград вотӧснытӧ энӧ кушӧдз ӧктӧй и му вылас гылалӧмасӧ энӧ босьталӧй. Гӧльяслы да йӧз муысь локтысьяслы чукӧртны кольӧй. Ме – Господь, тіян Енныд.

Петӧм 12:43

Господь шуис Мӧисейлы да Ааронлы: «Ыджыдлунся баля йылысь тшӧктӧмыс татшӧм. Оз позь сёйны сійӧс йӧз муысь локтысьяслы.

Петӧм 12:47

Израиль войтырысь дзик быдӧнлы колӧ тайӧс вӧчны.

Лыд 15:15

Тіянлы, Господьлӧн войтырлы, да йӧз муысь локтысьяслы тшӧктӧмыс ӧти нэмъяс кежлӧ чужысьяссянь чужысьясӧдз. Господь водзын ті да йӧз муысь локтысьяс – ӧткодьӧсь.

Лыд 15:16

Тіянлы да йӧз муысь локтысьяслы индӧд-тшӧктӧмыс ӧти».

Ездра 6:21

Ыджыдлунся баляӧс сёйисны пленысь локтӧм Израиль войтыр да мукӧд войтыръясысь найӧ, кодъяс торйӧдчисны сэтчӧс олысьяслӧн пежысь, медым юрбитны Господьлы, Израильлӧн Енлы.