Лыд 8:14 - Коми Библия 2023

¹⁴ Тадзи тэ торйӧдан левитъясӧс Израиль пиян пӧвстысь, и найӧ лоӧны Менам.

Лыд 8:14 Referans Kwoze

Малакий 3:17

Менам индӧм лунӧ найӧ лоӧны Менам войтырӧн, – висьталӧ Господь Саваоф. – Ме лоа на дінӧ бур сьӧлӧма, кыдзи бать бур сьӧлӧма аслас кывзысьысь пи дінӧ.

Лыд 18:6

Левит вокъяснытӧ Ме Ачым торйӧді Израиль пиян пӧвстысь да сеті тіянлы, медым найӧ кесъялісны Меным вежа чом бердын.

Лыд 3:45

«Торйӧд Меным левитъясӧс Израиль войтырлӧн став медводдза ай чужысьыс пыдди. Левитъяслысь ыж-мӧссӧ торйӧд Меным Израиль войтырлӧн медводдза чужысь ыж-мӧскыс пыдди. Левитъясыс мед лоасны Менам. Ме – Господь.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.

Галатӧ 1:15

Но Енмыс менӧ мам кынӧмсянь нин бӧрйӧма да Аслас буралӧмнас корӧма.

Римӧ 1:1

Гижӧ Павел, Исус Кристослӧн кесйӧг, Енмӧн корӧм апостол. Менӧ бӧрйӧма висьтавлыны Енлысь Бур Юӧрсӧ.

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Лыд 8:17

Израиль пиянлӧн да налӧн ыж-мӧслӧн медводдза чужысьясыс лоӧны Менам. Ме вежӧді-торйӧді найӧс Аслым сійӧ лунӧ, кор Египет муын вии став медводдза чужысьсӧ.

Лыд 6:2

«Висьтав Израиль пиянлы: айлов либӧ ань кӧ кыв сетас, мый сиас асьсӧ Господьлы – лоас назорейӧн,

Лыд 3:12

«Израиль пиян пӧвстысь Ме торйӧді Аслым левитъясӧс. Израильса аньяслӧн медводдза чужысь пиян пыдди левитъяс лоӧны Менам,

Лыд 8:13

Сувтӧд левитъясӧс Аарон да сылӧн пияныс водзӧ да си найӧс Господьлы.

Лыд 3:9

Левитъяс мед кесъяласны Ааронлӧн да пияныслӧн веськӧдлӧм улын, ӧд Израиль пиян пӧвстысь найӧс сувтӧдӧма отсасьны Ааронлы.