Лыд 7:88 - Коми Библия 2023

⁸⁸ Бурасян вись пыдди вӧлі вайӧма кызь нёль ӧшкӧс, квайтымын межӧс, [арӧса] квайтымын ай кӧзаӧс да [дзоньвидза] арӧса квайтымын баляӧс. Висьпуктанін мавтыштӧм бӧрын ставсӧ тайӧс вайисны висьпуктанін вежӧдӧм могысь.

Лыд 7:88 Referans Kwoze

Лыд 7:10

Сійӧ лунӧ, кор висьпуктанінсӧ вӧлі мавтыштӧма, юралысьяс вайисны висьпуктанін водзӧ козинъяс сійӧс вежӧдӧм могысь.

Лыд 7:1

Вежа чом сувтӧдӧм бӧрын Мӧисей мавтыштіс да вежӧдіс вежа чомсӧ да вежаинса став дозмук-кӧлуйсӧ, тшӧтш висьпуктанінсӧ став дозмук-кӧлуйнас.

Лыд 7:84

Висьпуктанін мавтыштан лунӧ сійӧс вежӧдӧм могысь Израиль войтырлӧн юралысьясыс вайисны дас кык эзысь тасьті, дас кык эзысь дозмук, дас кык зарни кӧш.

Левит 3:9

Вись вайысь мед ваяс Господьлы ыжлысь став госсӧ: сюрсалы бердсьыс бӧждор госсӧ, ты-мус вывсьыс пытшкӧс госсӧ,

Лыд 7:87

Сотан вись пыдди вӧлі вайӧма дас кык ӧшкӧс, дас кык межӧс, арӧса дас кык баляӧс да накӧд ӧтлаын ваян нянь вись. Мыжысь вись пыдди вӧлі вайӧма дас кык ай кӧзаӧс.