Лыд 6:27 - Коми Библия 2023

²⁷ Тадзи Менам нимсянь Аарон да сылӧн пияныс мед бурсиасны Израиль войтырӧс, и Ме [Господь] бурсиа найӧс».

Лыд 6:27 Referans Kwoze

2 Каднебӧг 7:14

и Менам нимӧн пасйӧм войтырӧй кӧ раммӧдчас, шыасяс Ме дінӧ кевмысьӧмӧн, эновтчас аслас лёк туйясысь да кутас корсьны Менӧ, сэки Ме кыла найӧс енэжсяньыс, прӧстита налысь мыжсӧ да бурдӧда налысь мусӧ.

Индӧд 28:10

Мувывса войтыръяс аддзасны, мый ті Господьлӧн [тіян Енлӧн] войтыр, да кутасны повны тіянысь.

Ефесӧ 1:3

Ошкӧм Енлы, миян Господь Исус Кристослӧн Батьлы! Сійӧ бурсиӧма миянӧс Кристос пыр Ловсянь быдпӧлӧс бурсиӧмнас, мый эм енэжас.

Еремей 14:9

Мыйла Тэ шӧйӧвошӧм морт кодь, мездыны вермытӧм вына тышкаморт кодь? Но Тэ, Господьӧй, миян пӧвстын, миянӧс сиӧма Тэныд, эн эновт миянӧс!

Исай 43:7

вайӧдӧй быдӧнӧс, кодӧс Ме чукӧсті, кодӧс Ме вӧчи Ачымӧс нимӧдӧм могысь.

Псалтыр 5:12

Тэ вылӧ лача кутысьяс мед нимкодясясны, найӧ мед помтӧг гажӧдчасны. Тэ доръян найӧс, кодъяслы муса Тэнад нимыд, и найӧ кутасны ошйысьны Тэӧн.

1 Каднебӧг 4:10

Явис шыасис Израильлӧн Ен дінӧ: «Енмӧй, Тэ кӧ эськӧ бурсиин менӧ да ыдждӧдін менсьым муӧс, Тэнад киыд кӧ эськӧ кутыштіс менӧ да видзис, медым лёкыс эз су менӧ!» И Енмыс мӧдӧдіс Явислы сійӧ, мый корис.

Олӧм 32:29

Яков шуис: «Висьтав Ассьыд нимтӧ!» Сійӧ вочавидзис: «Мыйла тэ юасян Менсьым нимӧс? [Сійӧ шензьӧдана.]» Сэсся бурсиис Яковӧс сэні.

Матвей 28:19

Мунӧй войтыръяс дінӧ, вӧчӧй найӧс Менам велӧдчысьясӧн да пыртӧй найӧс Бать, Пи да Вежа Лов нимӧн.

Псалтыр 67:7

Ӧткаяслы Енмыс сетӧ оланін да котыр, дорӧмаясӧс мездӧ дзескыдінысь, но кывзысьтӧмъяс кутасны овны косьмӧм му вылын.

Лыд 23:20

Меным тшӧктӧма бурсины. Енмыс кӧ бурсиис, ме вежнысӧ ог вермы.

Олӧм 32:26

Сэсся шуис Яковлы: «Лэдз Менӧ, ӧд кыа нин петӧ». Яков шуис: «Ог лэдз, кытчӧдз он бурси менӧ».

Ӧксыяслӧн 2 небӧг 7:23

Енмӧй, сюрас-ӧ Тэнад Израиль войтыр кодь мӧдыс? Му вылас олысь войтыръясысь сӧмын на дінӧ Тэ локтін. Локтін, медым мездыны найӧс да вӧчны Аслад войтырӧн, ыдждӧдлыны Ассьыд нимтӧ, вӧчны налӧн синъяс водзын ыджыд да повзьӧдана уджъяс. Тэ мездін Ассьыд войтыртӧ Египетысь, вӧтлін на водзысь мукӧд войтыръясӧс да налысь енъяссӧ.

Петӧм 6:3

”Ставсӧвермысь Ен” ним улын Ме петкӧдчи Ӧвраамлы, Исааклы да Яковлы, но ”Господь” ним улын Ме налы эг воссьыв.