Лыд 5:8 - Коми Библия 2023

⁸ Но кулӧма кӧ нин сійӧ мортыс, кодлы паныд мыжсӧ вӧчис, и сылӧн кӧ абу матысса рӧдвужыс, и та вӧсна вештысьнысӧ некодлы, сэки мед вештысьӧ Господьлы. Тайӧ вештысян доныс лоӧ поплы. Поплы тшӧтш лоӧ меж, кодӧс колӧ вайны вись пыдди. Тадзи поп вештас мыж вӧчысьлысь мыжсӧ.

Лыд 5:8 Referans Kwoze

Левит 7:7

Мыжысь вись да мыж вештан вись йылысь индӧдыс ӧти. Вись яйыс вичмӧ поплы, коді вештас мыжа мортлысь мыжсӧ.

Левит 5:16

Господьлӧн вежаторлы паныд мыж вӧчӧмысь морт мед мынтас поплы индӧм донсӧ сы дінӧ витӧд пай содтӧмӧн. Поп мед ваяс межӧс мыж вештан вись пыдди, тадзи вештас мыжа мортлысь мыжсӧ, и сійӧс лоӧ прӧститӧма.

Левит 6:5

Колӧ бӧр сетны сійӧ, мый йылысь ылӧдлӧмӧн кыв сетліс. Мыж вештан вись ваян лунӧ сылы колӧ вештысьны мортлы, кодлӧн вӧлі эмбурыс. Доныс дінӧ колӧ содтыны витӧд пай.

Лыд 5:7

Аслас мыж вӧчӧм йылысь сійӧ мед висьтасяс, и кодлы паныд мыжсӧ вӧчис, сылы мед вештысяс. Вештысян дон дінӧ мед содтас доныслысь витӧд пайсӧ.

Лыд 5:9

Израиль пиянлӧн став вежа вайӧмторйыс лоӧ поплы.

Ӧксыяслӧн 4 небӧг 12:16

Мыж вештан висьысь да мыжысь вайӧм висьысь сьӧмсӧ сетлісны попъяслы. Господьлӧн крам дзоньталӧм вылӧ тайӧ сьӧмыс эз мунлы.