Лыд 5:7 - Коми Библия 2023

⁷ Аслас мыж вӧчӧм йылысь сійӧ мед висьтасяс, и кодлы паныд мыжсӧ вӧчис, сылы мед вештысяс. Вештысян дон дінӧ мед содтас доныслысь витӧд пайсӧ.

Лыд 5:7 Referans Kwoze

Левит 5:5

Коді лои мыжа татшӧмторсӧ вӧчӧмысь, сійӧ мед висьтасяс мыж вӧчӧмсьыс.

Нав Исус 7:19

Исус шуис Аканлы: «Пыдди пукты Израильлысь Господь Енсӧ да висьтась Сы водзын аслад мыжысь. Висьтав меным, мый тэ вӧчин, нинӧм эн дзеб».

Левит 26:40

Но найӧ висьтасясны асланыс да батьясныслӧн мыжысь, Меным паныд сувтӧмысь да Менӧ эновтӧмысь,

Лука 19:8

Заккей сувтіс да шуис: «Господьӧй, овмӧслысь джынсӧ сета гӧльяслы, а кодлысь ылӧдлӧмӧн босьті, сылы нёль пӧвстӧн бӧр бергӧда».

Шусьӧгъяс 28:13

Коді дзебӧ мыжъяссӧ, сылӧн нинӧм оз артмы, но коді висьтасьӧ да дугдӧ мыж вӧчны, сы дінӧ Енмыс буралӧ.

Псалтыр 32:5

Господь радейтӧ збыльсӧ да веськыда мыждӧмсӧ, муыс тыр Господьлӧн буралӧмӧн.

Левит 7:7

Мыжысь вись да мыж вештан вись йылысь индӧдыс ӧти. Вись яйыс вичмӧ поплы, коді вештас мыжа мортлысь мыжсӧ.

Левит 5:15

«Коді тӧдлытӧг Господьлӧн вежаторлы паныд мыж вӧчас, сійӧ лоӧ мыжа. Та вӧсна мед ваяс Господьлы мыж вештан вись пыдди аслас ыж чукӧрысь дзоньвидза межӧс. Мыж вештан висьлысь донсӧ тэныд колӧ индыны эзысьӧн вежаинса сикель серти.

Левит 5:16

Господьлӧн вежаторлы паныд мыж вӧчӧмысь морт мед мынтас поплы индӧм донсӧ сы дінӧ витӧд пай содтӧмӧн. Поп мед ваяс межӧс мыж вештан вись пыдди, тадзи вештас мыжа мортлысь мыжсӧ, и сійӧс лоӧ прӧститӧма.

Левит 26:41

мый вӧсна Ме [скӧрмӧмӧн] налы паныд сувті, вӧтлі найӧс вӧрӧг муӧ. Сэні найӧ мынтысясны мыжсьыныс, и налӧн вундыштчытӧм сьӧлӧмныс раммас Ме водзын.

Лыд 5:8

Но кулӧма кӧ нин сійӧ мортыс, кодлы паныд мыжсӧ вӧчис, и сылӧн кӧ абу матысса рӧдвужыс, и та вӧсна вештысьнысӧ некодлы, сэки мед вештысьӧ Господьлы. Тайӧ вештысян доныс лоӧ поплы. Поплы тшӧтш лоӧ меж, кодӧс колӧ вайны вись пыдди. Тадзи поп вештас мыж вӧчысьлысь мыжсӧ.