Лыд 5:27 - Коми Библия 2023

²⁷ Ань кӧ пежаліс асьсӧ да пӧръяліс верӧссӧ, сэки ёрӧмсӧ вайысь курыд ваыс кутас сьӧкыда мучитны сійӧс. Аньлӧн кынӧмыс пыктас да гырк пытшкӧсыс нёпмунас. Аслас войтыр пӧвстын аньыс лоӧ ёрӧмаӧн.

Лыд 5:27 Referans Kwoze

Еремей 42:18

Господь Саваоф, Израильлӧн Ен, тадзи висьталӧ: ”Кыдзи Менам скӧрлунӧй да ярлунӧй киссис ерусалимса олысьяс вылӧ, тадзи жӧ Менам скӧрлунӧй киссяс тіян вылӧ, кор ті воанныд Египетӧ. Тіянӧс пондасны ёрны да лёкӧдны-омӧльтны, ті лоанныд повзьӧдчанторйӧн, и водзӧ ті онӧ нин аддзылӧй тайӧ мусӧ”.

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Закар 8:13

Иуда войтыр да Израиль войтыр, ті вӧлінныд мукӧд войтыръяс пӧвстын ёрӧмӧн, но Ме мезда тіянӧс, и ті лоанныд бурсиӧмӧн. Энӧ полӧй, лоӧй зумыдӧсь!

Еремей 44:12

Ме бырӧда Иудалысь коляс войтырсӧ, кодъяс шуисны мунны Египет муӧ да овмӧдчисны сэтчӧ. Найӧ ставныс ичӧтсянь гырысьӧдз куласны сэні шыпуртысь да тшыглунысь. Найӧс пондасны ёрны да лёкӧдны-омӧльтны, найӧ лоӧны повзьӧдчанторйӧн.

Еремей 29:22

Иудаысь Вавилонӧ пленӧ нуӧдӧмаяс пондасны ӧта-мӧднысӧ ёрны тадзи: Господь мед вӧчас тэкӧд сійӧ жӧ, мый вӧчис Седекейкӧд да Ахавкӧд, кодъясӧс вавилонса ӧксы сотіс бипур вылын.

Еремей 24:9

Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Исай 65:15

Тіян нимныд лоас ёран кывйӧн Менам кесйӧгъяс пӧвстын, найӧ шуасны: «Господь Ыджыдыс мед на моз виас тэнӧ». Но Ассьым кесйӧгъясӧс Ме нимта мӧд нимӧн.

Индӧд 28:37

Став войтыръяс, кодъяс пӧвстӧ Господь [Ен] вӧтлас тіянӧс, повзясны сыысь, мый лоӧ тіянкӧд. Найӧ лӧсьӧдласны тіян йылысь шусьӧгъяс, серамвыв лэптасны тіянӧс.

2 Петыр 2:10

Торъя нин тайӧ инмӧ вир-яйлӧн лёк кӧсйӧмнас пежасьӧмаяслы да Енлысь Юралӧмсӧ мустӧмтысьяслы. Найӧ яндысьтӧмӧсь, асныраӧсь да оз повны лёкӧдны енэжвывса юралысь-веськӧдлысьясӧс.

2 Коринфӧ 2:16

Ӧтияслы тайӧ дукыс вайӧ кулӧм, а мӧдъяслы – олӧм. Но коді шогмас та вылӧ?

Римӧ 6:21

Кутшӧм вотӧс ті сэки чукӧртінныд? Ӧні сыысь весиг аслыныд яндзим, ӧд сійӧ вайӧ кулӧм.

Еклесиаст 7:26

Ме гӧгӧрвои, мый кулӧм дорысь курыдджык сэтшӧм нывбаба, коді тыв кодь, кодлӧн сьӧлӧмыс – нальк, кодлӧн киясыс – чепъяс. Енлы шогмана морт пышйӧ сыысь, а мыжа мортӧс сійӧ тывйыштӧ.

Лыд 5:20

Но тэ кӧ пӧръялін верӧстӧ да пежалін асьтӧ, кор тэкӧд узис мӧд морт, –

Лыд 5:28

Но ань кӧ эз пежав асьсӧ, и сійӧ кӧ сӧстӧм, сыкӧд нинӧм лёкыс оз ло, и сійӧ кутас вермыны кынӧмасьнысӧ.