Лыд 32:3 - Коми Библия 2023

^3-4 «Господь пасьвартіс Атарот, Дивон, Язер, Нимра, Хешбон, Эляле, Севам, Нево да Веон каръяс, и мусӧ сетіс Израиль войтырлы. Сэтчӧс йирсянінъясыс бурӧсь, а миян, тэнад кесйӧгъяслӧн, уна ыж-мӧсным.

Лыд 32:3 Referans Kwoze

Еремей 48:34

Хешбонсянь Элялеӧдз бӧрдӧны моавсаяс, бӧрдӧм шыыс кылӧ Яхацӧдз, Цоарсянь Хоронаимӧдз да Эглат-Шелишияӧдз кылӧ горзӧм шы, ӧд весиг Нимрим юысь ваыс бырас.

Нав Исус 13:17

Хешбон да сы гӧгӧрысь вывтасінса каръяс – Дивон, Вамот-Ваал, Бет-Ваал-Меон,

Еремей 48:45

Хешбон карлӧн вуджӧр улӧ сувтісны вынтӧм пышйысьяс, но Хешбонысь петіс би, Сигон ӧксылӧн керкаысь – яр би, сійӧ сотіс Моавлысь боксӧ, вылӧ кыпӧдчысьяслысь юрпыдӧссӧ.

Еремей 48:32

Сивмаса виноград, Ме бӧрда тэ вӧсна, кыдзи Ме бӧрді Язер кар вӧсна. Тэнад вожъясыд нюжалісны саридз сайӧдз, паськалісны Язер саридзӧдз. Но бырӧдысь уськӧдчис, нетшкис тэнсьыд яблӧг-грушатӧ да виноградтӧ.

Еремей 48:2

Моавӧс оз нин нимӧдны, Хешбонын вӧрӧг дасьтысьӧ Моавлы лёк вӧчны, шуалӧ, мунам пӧ бырӧдны сійӧс войтыръяс пӧвстысь. Мадмен, тэ кутан чӧв овны, ӧд шыпурт суас тэнӧ.

Исай 15:6

Нимримысь ваыс бырӧма, видзьясыс косьмӧмаӧсь, туруныс сотчӧма, оз тыдав веж быдмӧгыс.

Неемий 9:22

Тэ сетін налы муяс да войтыръясӧс, юклін налы мусӧ. Найӧ босьтісны хешбонса Сигон ӧксылысь мусӧ да васанса Ог ӧксылысь мусӧ.

Ёрдысьяс 11:26

Куимсё во нин Израиль войтыр олӧ Хешбон да Ароэр каръясын да нагӧгӧрса сиктъясын, тшӧтш Арнон ю бокын сулалысь каръясын. Мыйла нӧ ті водзынджыксӧ энӧ босьтӧй найӧс аслыныд?

Нав Исус 13:19

Киръятаим, Сивма да Церет-Шахар, мый сулалӧ ковтысса керӧс вылын.

Лыд 32:1

Рувим да Гад пиянлӧн вӧлі зэв уна ыж-мӧс. Найӧ аддзисны, мый Язер да Галаад муясын эмӧсь бур йирсянінъяс.

Лыд 21:28

Сигонлӧн Хешбон карысь ыпнитіс-петіс би, ньылыштіс Ар-Моав, сотіс найӧс, кодъяс ыджыдалісны Арнон мылькъяс вылын.

Лыд 21:30

Но ми лыйлім аморейясӧс ньӧвъясӧн, Хешбон карсянь Дивон карӧдз ставнысӧ виалім, Медева кардорса Нофаӧдз ставнысӧ бырӧдім.

Лыд 21:32

Мӧисей мӧдӧдіс видзӧдлыны Язер кар. Израильсаяс босьтісны [карсӧ да] сыгӧгӧрса сиктъяссӧ, вӧтлісны сэтысь аморейясӧс.

Лыд 32:2

Найӧ локтісны Мӧисей дінӧ, Элазар поп да войтырлӧн юралысьяс дінӧ да шуисны:

Еремей 48:1

Господь Саваоф, Израильлӧн Ен, Моав йылысь тадзи висьталӧ: – Курыд шог Неволы, сійӧс куштӧма-пазӧдӧма! Киръятаимӧс янӧдӧма, сійӧс кытшалӧма-босьтӧма, сылысь изкарсӧ янӧдӧма, жугӧдӧма-пазӧдӧма.

Езекиль 25:9

Та вӧсна Ме восьта Моав муӧс вӧрӧгыслы, бырӧда сылысь мичлунсӧ – мудорын сулалысь Бет-Ешимот, Ваал-Меон да Киръятаим каръясӧс.

Нав Исус 21:39

Хешбон да Язер каръяс да нагӧгӧрса видзьяс – ставнас нёль кар.