Лыд 31:30 - Коми Библия 2023

³⁰ Шедӧдӧмторлысь мӧд джынсӧ колӧ сетны тышӧ ветлытӧм Израиль войтырлы. Быд ветымын мортысь босьт ӧтиӧс, быд ветымын ӧш-мӧскысь – ӧтиӧс, быд ветымын осёлысь – ӧтиӧс, быд ветымын ыж-кӧзаысь – ӧтиӧс да сет левитъяслы, Господьлӧн вежа чом бердын кесъялысьяслы».

Лыд 31:30 Referans Kwoze

Лыд 3:31

Найӧ кывкутісны-тӧждысисны Йитӧд куд вӧсна, пызан, бикок да висьпуктанінъяс вӧсна, кесъялан вежа дозмук-кӧлуй вӧсна да Вежаинын ӧшалысь дӧра вӧсна.

Лыд 3:25

Найӧ кывкутісны вежа чом вӧсна, сылӧн вевттьӧд да пыранінас ӧшалысь дӧра вӧсна,

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

Колосӧ 4:17

Аркиплы висьталӧй, мед бура уджалас да помӧдз вайӧдас Господьсянь сетӧм уджсӧ.

1 Коринфӧ 4:2

Сӧмын татшӧм кывкутысьяслы колӧ лоны эсканаӧн.

Ап. уджъяс 20:28

Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

1 Каднебӧг 23:32

Налы колӧ вӧлі видзны вежа чом да вежаин, колӧ вӧлі отсасьны Ааронсянь чужысьяслы, асланыс вокъяслы, Господьлӧн крамын кесъялӧм дырйи.

Лыд 31:28

Тышӧ ветлысьяслысь босьт Господьлы сетан юкӧнсӧ. Быд витсё мортысь босьт ӧтиӧс, быд витсё ӧш-мӧскысь – ӧтиӧс, быд витсё осёлысь – ӧтиӧс, быд витсё ыж-кӧзаысь – ӧтиӧс.

Лыд 31:29

Сет найӧс Элазар поплы. Тайӧ Господьлы козин.

Лыд 31:31

Мӧисей да Элазар поп вӧчисны, кыдзи Господь тшӧктіс Мӧисейлы.

Лыд 1:53

А левитъяс ассьыныс чомъяссӧ мед сувтӧдасны вежа чом гӧгӧр, медым Израиль войтырӧс эз су Господьлӧн скӧрлуныс. Левитъяс мед видзӧдасны вежа чом бӧрся».

Лыд 8:26

Найӧ вермасны отсасьны вокъясыслы видзны вежа чомсӧ, но кесъявнысӧ налы оз позь. Тадзи тэ лӧсьӧд левитъяслысь кесъялӧмсӧ».

Нав Исус 9:27

Тайӧ лунсяньыс Исус уджӧдіс [гаваонса олысь] хивейясӧс, налы ковмис керавны пес да ваявны ва Израиль войтырлы, а сідзжӧ Господьлӧн висьпуктанінӧ. Сійӧ местаас, мый бӧрйӧма Господь, найӧ ӧнӧдз вӧчӧны тайӧ уджсӧ.

2 Каднебӧг 14:15

Нӧшта найӧ пазӧдісны ыж-мӧс видзысьяслысь чомъяссӧ да нуӧдісны аскӧдныс верблюдъясӧс да уна ыж, сэсся бӧр бергӧдчисны Ерусалимӧ.