Лыд 3:8 - Коми Библия 2023

⁸ Найӧ мед видзасны вежаинса став дозмук-кӧлуйсӧ да кесъяласны вежа чом бердын Израиль пиян пыдди.

Лыд 3:8 Referans Kwoze

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Лыд 10:21

Сэсся петісны туйӧ Кааф пиян, кодъяс новлӧдлісны вежаинса дозмук-кӧлуй. Налӧн вотӧдз вежа чомсӧ колӧ вӧлі сувтӧдны нин.

Лыд 10:17

Сэсся вежа чом разьӧм бӧрын петісны туйӧ Гирсон пиян да Мерари пиян, кодъяс нуисны вежа чомсӧ.

Лыд 4:33

Татшӧм удж индӧма Мерари рӧдъяслы. На бӧрся мед видзӧдас Аарон поплӧн Итамар пиыс».

Лыд 4:28

Татшӧм удж индӧма Гирсон рӧдъяслы. На бӧрся мед видзӧдас Аарон поплӧн Итамар пиыс.

Лыд 4:15

Израиль войтырлӧн туйӧ петтӧдзыс Аарон пияныскӧд мед вевттяласны став вежа дозмук-кӧлуйсӧ. Сӧмын та бӧрын вермасны матыстчыны Кааф пиян, медым нуны вежа дозмук-кӧлуйсӧ. Найӧ кӧ инмӧдчасны вевттьытӧм вежа дозмук-кӧлуй дінӧ, куласны. Вежа чомйын кесъялан дозмук-кӧлуйсӧ колӧ новлӧдлыны Кааф пиянлы.

Лыд 3:7

Найӧ мед кесъяласны Аарон да став войтырыс пыдди вежа чом бердын.

Лыд 3:9

Левитъяс мед кесъяласны Ааронлӧн да пияныслӧн веськӧдлӧм улын, ӧд Израиль пиян пӧвстысь найӧс сувтӧдӧма отсасьны Ааронлы.

Лыд 31:30

Шедӧдӧмторлысь мӧд джынсӧ колӧ сетны тышӧ ветлытӧм Израиль войтырлы. Быд ветымын мортысь босьт ӧтиӧс, быд ветымын ӧш-мӧскысь – ӧтиӧс, быд ветымын осёлысь – ӧтиӧс, быд ветымын ыж-кӧзаысь – ӧтиӧс да сет левитъяслы, Господьлӧн вежа чом бердын кесъялысьяслы».

1 Каднебӧг 23:27

Давидлӧн бӧръя тшӧктӧмыс серти вӧлі лыддьӧдлӧма став левитсӧ, кодъяслы вӧлі кызь арӧс да унджык.

2 Каднебӧг 29:11

Пиянӧй, энӧ весьшӧрӧ коллялӧй каднытӧ, ӧд Господь бӧрйис тіянӧс, медым ті сулалінныд Сы водзын, кесъялінныд Сылы да сотінныд висьяс».