Лыд 3:13 - Коми Библия 2023

¹³ ӧд став медводдза чужысьыс – Менам. Сійӧ лунӧ, кор Ме бырӧді египетса став медводдза чужысьсӧ, Ме вежӧді-торйӧді Аслым Израиль войтырлысь став медводдза ай чужысьсӧ: йӧзӧс и ыж-мӧскӧс. Найӧ – Менам. Ме – Господь».

Лыд 3:13 Referans Kwoze

Лука 2:23

Ӧд Господьлӧн Индӧд серти медводдза чужысьӧс, пи кагаӧс, колӧ вӧлі сины Господьлы.

Петӧм 13:12

сэки став медводдза чужысь писӧ торйӧд Господьлы. Весиг ыж-мӧслысь став медводдза ай чужысьсӧ вай Господьлы.

Петӧм 13:2

«Став медводдза ай чужысьсӧ вежӧд-торйӧд Меным. Израиль войтыр пӧвстысь медводдза чужысьыс и ыж-мӧс пӧвстысь медводдза чужысьыс лоӧны Менам».

Левит 27:26

Ыж-мӧслысь медводдза чужысьӧс Господьлы сины оз позь, ӧд сійӧ сідзи нин Господьлӧн. Мӧслӧн да ыж-кӧзалӧн медводдза чужысьыс – Господьлӧн.

Петӧм 13:15

Кор фараон пыксис да эз лэдз миянӧс, Господь виис Египетысь став медводдза чужысьсӧ йӧз пӧвстысь и ыж-мӧс пӧвстысь. Та вӧсна ыж-мӧслысь став медводдза ай чужысьсӧ ме вая Господьлы вись пыдди, а аслам медводдза чужысь пиысь ме вештыся”.

Еврейяслы 12:23

да гажӧдчысь йӧз чукӧр дінӧ. Найӧ – Енлӧн медводдза чужысьяс, налысь нимъяссӧ гижӧма енэжас. Ті матыстчинныд став йӧзсӧ мыждысь Ен дінӧ да тыр-бурас воӧм веськыда олысьяслӧн ловъяс дінӧ.

Езекиль 44:30

Медводдза быдтасыс да быдсяма вайӧмторйыс вичмӧ попъяслы. Выль пызьысь медводдза пӧжаснытӧ сетӧй попъяслы, медым тіянлысь керканытӧ вӧлі бурсиӧма.

Лыд 18:15

Мортлӧн либӧ пемӧслӧн медводдза чужысьыс, кодӧс вайӧны Господьлы, лоӧ тэнад. Но мортлысь медводдза чужысьсӧ колӧ бӧр ньӧбны, и пеж пемӧслысь медводдза чужысьсӧ колӧ бӧр ньӧбны.

Петӧм 34:19

Мам кынӧмысь быд медводдза чужысь пи лоӧ Менам. Тшӧтш медводдза чужысь ӧшкыд да межыд лоӧ Менам.

Петӧм 22:29

Энӧ ньӧжмасьӧй вайны Меным асланыд гумла вывсьыд да виноград пычканінсьыд медводдза босьтӧмторъяснытӧ. Сетӧй Меным медводдза пинытӧ.

Неемий 10:36

Миян Енлӧн крамӧ, сэні кесъялысь попъяс водзӧ Индӧдын гижӧм серти ми пондам вайны медводдза чужысь пияннымӧс, вись пыдди пондам вайны ыж-мӧснымлысь медводдза чужысьясӧс.

Лыд 3:41

Торйӧд Меным левитъясӧс Израиль войтырлӧн став медводдза ай чужысьыс пыдди. Левитъяслысь ыж-мӧссӧ торйӧд Меным Израиль войтырлӧн медводдза чужысь ыж-мӧскыс пыдди. Ме – Господь».

Лыд 18:6

Левит вокъяснытӧ Ме Ачым торйӧді Израиль пиян пӧвстысь да сеті тіянлы, медым найӧ кесъялісны Меным вежа чом бердын.

Лыд 33:4

Египетсаяс сэки гуалісны ассьыныс медводдза чужысьяссӧ, кодъясӧс Господь виис. Татшӧм ногӧн Господь мыждіс египетса енъясӧс.