Лыд 29:17 - Коми Библия 2023

¹⁷ Мӧд луннас вайӧй дзоньвидза дас кык ӧшкӧс, кык межӧс да арӧса дас нёль баляӧс.

Лыд 29:17 Referans Kwoze

Еврейяслы 8:13

Тайӧ йитӧдсӧ Енмыс шуис Выль Йитӧдӧн. Тадзи Енмыс петкӧдліс, мый воддза йитӧдыс важмис. А ставыс, мый важмӧма да ковтӧм, регыд бырӧ.

Римӧ 12:1

Вокъяс, Енлӧн ыджыд буралӧмыс вӧсна кора тіянӧс: сетӧй асьнытӧ Енлы ловъя, вежа да шогмана вись пыдди. Тайӧ лоӧ бур мывкыда кесъялӧм Енмыслы.

Осий 6:6

Ас дінӧ муслун тіянсянь кӧсъя, ог вись вайӧм, Менӧ тӧдӧм, а ог сотан висьяс.

Исай 1:11

Меным абу колана тіян уна вись вайӧмныд, – висьталӧ Господь. Ме пӧтӧма нин сотӧм межъясӧн да тшӧгӧдӧм ыж-мӧслӧн госӧн. Ӧшъяслысь, ыжъяслысь да кӧзаяслысь вирсӧ Ме ог кӧсйы.

Псалтыр 40:6

Менӧ мустӧмтысьяс лёка сёрнитӧны ме йылысь: «Мед эськӧ сійӧ кулас, мед эськӧ вунӧдасны сылысь нимсӧ!»

Лыд 29:13

Тайӧ гажыслӧн медводдза луннас вайӧй Господьлы чӧскыда ӧвтысь сотан вись пыдди дзоньвидза дас куим ӧшкӧс, кык межӧс да арӧса дас нёль баляӧс.

Левит 23:36

Сизим лун чӧж вайӧй Господьлы вись, а кӧкъямысӧд луннас тіян мед лоӧ вежа чукӧртчӧм, сэки тшӧтш вайӧй Господьлы вись. Некутшӧм удж энӧ вӧчӧй.

Петӧм 12:5

Босьтны колӧ дзоньвидза арӧса баляӧс, сійӧ мед вӧлі межпи либӧ кӧзапи.