Лыд 29:13 - Коми Библия 2023

¹³ Тайӧ гажыслӧн медводдза луннас вайӧй Господьлы чӧскыда ӧвтысь сотан вись пыдди дзоньвидза дас куим ӧшкӧс, кык межӧс да арӧса дас нёль баляӧс.

Лыд 29:13 Referans Kwoze

Ездра 3:4

Индӧдын гижӧм серти пасйисны Чом вӧчан лунъяс, быд лун вайисны сотан висьяс, мыйта вӧлі тшӧктӧма вайны сійӧ лунӧ.

Лыд 28:11

Выль тӧлысь чужигӧн вайӧй Господьлы сотан вись пыдди дзоньвидза кык ӧшкӧс, ӧти межӧс да арӧса сизим баляӧс.

Римӧ 12:1

Вокъяс, Енлӧн ыджыд буралӧмыс вӧсна кора тіянӧс: сетӧй асьнытӧ Енлы ловъя, вежа да шогмана вись пыдди. Тайӧ лоӧ бур мывкыда кесъялӧм Енмыслы.

Лыд 29:8

Господьлы чӧскыда ӧвтысь сотан вись пыдди вайӧй ӧшкӧс, межӧс да арӧса сизим баляӧс, найӧ мед вӧліны дзоньвидзаӧсь.

Лыд 29:2

Господьлы чӧскыда ӧвтысь сотан вись пыдди вайӧй дзоньвидза ӧшкӧс, межӧс да арӧса сизим баляӧс.

Лыд 28:27

Господьлы чӧскыда ӧвтысь сотан вись пыдди вайӧй [дзоньвидза] кык ӧшкӧс, ӧти межӧс да арӧса сизим баляӧс.

Лыд 28:19

Вайӧй Господьлы сотан вись пыдди кык ӧшкӧс, ӧти межӧс да арӧса сизим баляӧс. Ставныс найӧ мед вӧліны дзоньвидзаӧсь.

Лыд 29:12

Сизимӧд тӧлысьлӧн дас витӧд лунӧ тіян мед лоӧ вежа чукӧртчӧм. Некутшӧм удж сэки энӧ вӧчӧй. Сизим лун чӧж пасйӧй Господьлы сиӧм гаж.

Лыд 29:14

Накӧд ӧтлаын нянь вись пыдди вайӧй олив выйӧн гудралӧм шобді пызь. Ефа мында пызьсӧ юкӧй дас пельӧ, сэтысь вайӧй куимсӧ быд ӧшкӧд, кыксӧ межкӧд,

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.