Лыд 28:11 - Коми Библия 2023

¹¹ Выль тӧлысь чужигӧн вайӧй Господьлы сотан вись пыдди дзоньвидза кык ӧшкӧс, ӧти межӧс да арӧса сизим баляӧс.

Лыд 28:11 Referans Kwoze

Лыд 10:10

Кор гажӧдчан лунъяс дырйи да выль тӧлысь пасйигӧн ваянныд сотан да бурасян висьяс, тутсӧй трубаясӧ, и тіян Енныд тӧд вылас уськӧдас тіянӧс. Ме – Господь, тіян Енныд».

Езекиль 46:6

Выль тӧлысь пасъян лунӧ ӧксы мед вайӧ сотан вись пыдди дзоньвидза ӧти ӧшкӧс, дзоньвидза квайт баляпиӧс да дзоньвидза ӧти межӧс.

Колосӧ 2:16

Сідзкӧ, некод мед оз мыжав тіянӧс сёян-юанысь, вежа лунъясысь, выль тӧлысь пасйӧмысь да шойччан лунӧ кутчысьӧмысь,

Осий 2:11

Ме пукта пом сылӧн нимкодясьӧмлы, гажӧдчан да шойччан лунъяслы, выль тӧлысь пасйӧмлы.

Ездра 3:5

Тайӧ кадсяньыс найӧ вайисны быдлунся сотан висьяс, а выль тӧлысь пасйигӧн да Господьлы сиӧм мукӧд вежа гажӧдчан лунъясӧ вайисны индӧм висьяс. Нӧшта вайисны Господьлы ас кӧсйӧм серти висьяс.

2 Каднебӧг 2:4

Ӧні ме кыпӧда аслам Господь Енлы крам. Ме вежӧда-торйӧда сійӧс Господьлы, медым тшынӧдны Господь водзын чӧскыд ӧвтанторъяс, медым вайны крамӧ вежа нянь, медым рытын и асылын, шойччан лунӧ и выль тӧлысь чужигӧн да миян Господь Енлы сиӧм гажӧдчан лунъясӧ вайны сотан висьяс, кыдзи пыр кежлӧ тшӧктӧма вӧчны Израильлы.

1 Каднебӧг 23:31

Налы колӧ вӧлі пыр вайны Господьлы сотан висьяс шойччан лунӧ, выль тӧлысь чужигӧн да гажӧдчан лунъяс дырйи. Быд пӧрйӧ Ен водзын колӧ вӧлі кесъявны сы мында левитлы, мыйта вӧлі шуӧма.

Ӧксыяслӧн 1 небӧг 20:5

Давид вочавидзис: «Аски выль тӧлысь пасъян лун. Меным колӧ ӧксыкӧд ӧтлаын пажнайтны. Но кора тэнӧ, лэдз меным петны кар сайӧ да дзебсьыны. Лоа сэні аскомысь рытӧдзыс.

Колосӧ 2:6

Ті кӧ сибӧдінныд Господь Исус Кристосӧс, сідзкӧ, олӧй Сы пытшкын.

Галатӧ 4:10

Кутчысянныд торъя лунъясӧ, тӧлысьясӧ, воясӧ да кадъясӧ.

Амос 3:5

Шедас ӧмӧй пӧтка лэчкӧ, оз кӧ некод лэчсӧ окты? Вӧрзьылас ӧмӧй дзугйыс, нинӧм кӧ сэтчӧ оз шед?

Езекиль 46:1

«Господь Ыджыдыс тадзи висьталӧ: квайт уджалан лун чӧж пытшкӧс йӧрӧ нуӧдысь асыввыв пыранін мед лоӧ пӧдса, а шойччан лунӧ да выль тӧлысь пасъян лунӧ мед лоӧ восьса.

Исай 66:23

Сэки быд выль тӧлысь чужигӧн, быд шойччан лунӧ, став йӧзыс локтасны юрбитны Меным, – висьталӧ Господь. –

Псалтыр 81:3

Дорйӧй гӧльясӧс да батьтӧм-мамтӧмъясӧс, веськыда мыждӧй увтыртӧмаясӧс да коньӧръясӧс.

Псалтыр 40:8

Менӧ мустӧмтысьяс вашкӧдчӧны ас костаныс, мӧвпалӧны меным лёксӧ вӧчны.

Псалтыр 40:6

Менӧ мустӧмтысьяс лёка сёрнитӧны ме йылысь: «Мед эськӧ сійӧ кулас, мед эськӧ вунӧдасны сылысь нимсӧ!»

Неемий 10:33

вежа нянь вылӧ, быдлунся нянь да сотан вись вылӧ, тшӧтш шойччан лунӧ, выль тӧлысь чужигӧн да гажӧдчан лунъясӧ вайӧмторъяс вылӧ, вежа козинъяс вылӧ, мыжысь вись вылӧ, мый вайӧны Израиль войтырлысь мыжсӧ вештӧм могысь, да крампытшса став уджыс вылӧ.

Ӧксыяслӧн 4 небӧг 4:23

«Мыйла талун сы дінӧ муннысӧ? – юаліс верӧсыс. – Талун ӧд абу выль тӧлысь пасъян лун и абу шойччан лун». Ань вочавидзис: «Эн тӧждысь, ставыс бур».

Лыд 28:19

Вайӧй Господьлы сотан вись пыдди кык ӧшкӧс, ӧти межӧс да арӧса сизим баляӧс. Ставныс найӧ мед вӧліны дзоньвидзаӧсь.

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 1:9

Ӧшлысь ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 1:13

Ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Ӧксыяслӧн 1 небӧг 9:12

Нывъяс вочавидзисны: «Тані. Сійӧ тіян водзвылын локтіс карас, ӧд талун мыльк вылын войтыр кутас вись вайны. Тэрмасьӧй!

2 Каднебӧг 8:13

Мӧисейлӧн Индӧдын урчитӧм висьяс сійӧ вайліс шойччан лунӧ, выль тӧлысь чужигӧн да куимысь вонас гажӧдчан лунъяс дырйи: Шомтӧм нянь сёян лунъясӧ, Ветымынӧд лунся гаж дырйи да Чом вӧчан лунъясӧ.

Езекиль 46:7

Нянь вись пыдди ӧксы мед вайӧ ефа мында пызь ӧшкӧд да ефа мында пызь межкӧд, а быд баляпикӧд мед вайӧ пызьсӧ сы мында, мыйта кӧсйӧ. Ефа мында пызькӧд колӧ вайны гин мында олив вый.

Амос 8:5

Ті шуанныд: «Кор нин помасяс выль тӧлысь пасйӧмыс, медым вермим бара вузавны нянь? Кор нин помасяс шойччан луныс, медым вермим восьтны нянь видзанінъяс? Сэки ичӧтджык мурталан доз босьтам, а донсӧ содтам, вескиӧн пӧръялам.

2 Каднебӧг 2:3

Тирса Хирам ӧксы дінӧ Соломон мӧдӧдіс йӧзӧс, медым найӧ висьталісны сылы: «Водзынджык тэ отсалін менам Давид батьлы – мӧдӧдлін сылы сус пуяс, медым вӧчны наысь аслыс керка.

Псалтыр 81:4

Гӧльясӧс да коньӧръясӧс мездӧй, нетшыштӧй найӧс лёк вӧчысьяслӧн киысь.