Лыд 27:14 - Коми Библия 2023

¹⁴ Ӧд Цин овтӧминын, кӧні ропкис войтырыд, ті энӧ кывзысьӧй Менсьым, энӧ лыддьӧй Менӧ вежаӧн. Войтырыд водзын ті торкинныд Менсьым шуӧмӧс». Тайӧ вӧлі Кадешын, Мерива ва петанін дорын.

Лыд 27:14 Referans Kwoze

Индӧд 1:37

Тіян вӧсна Господь скӧрмис тшӧтш ме вылӧ да шуис: ”Тэ он пыр сійӧ муас,

Петӧм 17:7

Татчӧсінлы Мӧисей сетіс Масса да Мерива ним, ӧд Израиль пиян дӧзмӧдісны Господьӧс да шуасисны: «Миянкӧд-ӧ Господь али абу?»

Лыд 20:24

«Мерива ва петанінын ті энӧ кывзысьӧй Менсьым. Та вӧсна Аарон оз пыр сійӧ муас, мый Ме сета Израиль пиянлы. Сылы кад воис вуджны батьясыс дінӧ.

Лыд 20:1

Медводдза тӧлысьнас Израиль войтыр воис Цин овтӧминӧ. Найӧ сувтісны Кадешӧ. Сэні куліс Мирьям, и сійӧс дзебисны сэтчӧ.

Ап. уджъяс 7:51

Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.

Лыд 13:21

Вына-ӧ муыс, сетӧ-ӧ сійӧ бур быдтас? Быдмӧны-ӧ сэні пуяс? Лоӧй повтӧмӧсь, вайӧй сэтысь вотӧс». Сэки вӧлі виноград кисьман кад.

Лыд 27:15

Мӧисей шуис Господьлы:

Индӧд 4:22

Ме кула тані, ог вудж Йӧрдан ю сайӧ, а ті вуджанныд да босьтанныд аслыныд сійӧ бур мусӧ.

Лыд 20:5

Мыйла ті петкӧдінныд миянӧс Египетысь? Ті вайӧдінныд миянӧс тайӧ шогмытӧм муас, кӧні оз быдмы нянь! Тані оз быдмы инжир, ни виноград, ни гранат пуяс. Весиг юан ваыс абу!»