Лыд 25:6 - Коми Библия 2023

⁶ Кор Мӧисей да став Израиль войтыр бӧрдісны вежа чом пыранін водзын, найӧ аддзисны, кыдзи израильса морт локтӧ вокъясыс дінӧ мадианса анькӧд.

Лыд 25:6 Referans Kwoze

Йоиль 2:17

Бӧрдӧй, попъяс, крам посводз да висьпуктанін костын. Господьлӧн кесъялысьяс, шуӧй: «Господьӧй, ло бур сьӧлӧма Аслад войтыр дінӧ. Эн сет янӧдны Ассьыд войтыртӧ, эн лэдз мукӧд войтырлы омӧльтны миянӧс. Мед найӧ оз шуны, кӧні Израильлӧн Енмыс».

Лыд 22:4

Найӧ шуисны мадианса юрнуӧдысьяслы: «Тайӧ уна лыда Израиль войтырыс ньылыштас татысь ставнымӧс, кыдзи ӧшъяс сёйӧны став веж турунсӧ видз вылысь!» Сійӧ кадас Моав муын ӧксыаліс Сеппорлӧн Валак пиыс.

Иуда 1:13

Найӧ – саридзвывса гыяс, кодъяс лёкысь быгзьӧны асланыс янӧдан уджъясӧн. Найӧ – вошласьысь кодзувъяс, кодъяслы век кежлӧ дасьтӧма сап пемыдсӧ.

Еремей 36:23

Кор Ехуди лыддьывліс гижӧд тубрасысь куим-нёль юкӧн, ӧксы вундывліс лыддьӧм юкӧнъяссӧ пуртӧн, кутшӧмӧн гижалысь вӧдитчӧ, да шыбитліс найӧс ломтысьысь нажӧгӧ. Тадзи сійӧ бырӧдіс биын ставнас гижӧд тубрассӧ.

Еремей 8:12

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 3:3

Та вӧсна зэрыс эз вӧв, эз киссьы тувсовъя зэр. Тэнад чужӧмыд кырсалысь аньлӧн кодь, тэ воштӧмыд яндзимтӧ.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Ёрдысьяс 2:4

Кор Господьлӧн андел висьталіс тайӧс Израиль войтырлы, ставныс гораа бӧрддзисны.

Лыд 31:2

«Израиль пиян вӧсна водзӧс перйы мадиансаяслысь. Та бӧрын тэ вуджан батьясыд дінӧ».

Олӧм 37:28

Кор мадианса вузасьысьяс матыстчисны Ӧсиплӧн вокъяс дінӧ, найӧ кыскисны Ӧсипӧс юкмӧсысь да вузалісны сійӧс кызь сикель эзысьысь. Ӧсипӧс нуисны Египетӧ.

Лыд 16:47

Мӧисейлӧн тшӧктӧм серти Аарон босьтіс тшынӧдчан доз да котӧртіс войтыр пӧвстӧ, а войтырӧс бырӧдӧмыс вӧлі заводитчӧма нин. Аарон пуктіс чӧскыд дука тшынӧдчанторсӧ ӧгыр вылӧ да вештіс войтырлысь мыжсӧ.

Ӧксыяслӧн 3 небӧг 11:18

Мадиан му эновтӧм бӧрын найӧ воисны Паранӧ. Сэтысь босьтісны аскӧдныс сэтчӧс олысьяссӧ да мунісны Египетӧ фараон, египетса ӧксы, дінӧ. [Хадад пырис фараон дінӧ.] Фараон сетіс Хададлы керка, му да сёян-юан.