Лыд 24:7 - Коми Библия 2023

⁷ Тіян пельсаясысь ваыс оз бырлы, пуктӧм кӧйдыснытӧ юкталас ва. Тіян ӧксыныд лоӧ Агагысь ыджыдджык, сылысь юралӧмсӧ лоӧ вылӧ кыпӧдӧма.

Лыд 24:7 Referans Kwoze

1 Каднебӧг 14:2

Давидлы вӧлі гӧгӧрвоана, мый Аслас Израиль войтыр вӧсна Господь пуктіс сійӧс ӧксыӧ да зумыдмӧдіс сылысь юралӧмсӧ Израильын.

Ӧксыяслӧн 2 небӧг 5:12

Давидлы вӧлі гӧгӧрвоана, мый Аслас Израиль войтыр вӧсна Господь пуктіс сійӧс ӧксыӧ да зумыдмӧдіс сылысь юралӧмсӧ Израильын.

Восьтӧм 17:1

Ме дінӧ матыстчис андел. Сійӧ вӧлі на пӧвстысь, кодъяслӧн вӧлі сизим чашаыс. Сійӧ шуис меным: «Лок татчӧ, ме петкӧдла тэныд, кутшӧм мыждӧм виччысьӧ ваяс дорын пукалысь аньӧс, коді ёна кырсаліс.

Еремей 51:13

Вавилон, тэ олан уна ва дорын, тэнад эм уна озырлун, но регыд тэныд воас пом, воас пом тэнад горшасьӧмлы.

Восьтӧм 19:16

Сылӧн паськӧмас да лядьвеяс гижӧма, мый Сійӧ – ӧксыяслӧн Ӧксыыс да ыджыдъяслӧн Ыджыдыс.

Восьтӧм 17:15

Сэсся андел шуис меным: «Тэ аддзылін васӧ сэтысь, кӧні пукалӧ кырсалысь аньыс. Тайӧ ваыс – чужанкотыръяс да йӧз чукӧръяс, войтыръяс да быд кыла йӧз.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Иоан 1:49

Нафанаил шуис: «Велӧдысьӧй, Тэ – Ен Пи, Тэ – Израильлӧн Ӧксы!»

Даниил 2:44

Тайӧ юралӧмас ыджыдалысь ӧксыяс дырйи енэжвывса Ен сувтӧдас сэтшӧм юралӧм, кодӧс оз ло бырӧдӧма и оз ло сетӧма мукӧд войтырлы. Тайӧ юралӧмыс жугӧдас да бырӧдас став воддза юралӧмсӧ, а ачыс лоӧ зумыд нэмъяс чӧж.

Исай 48:1

– Кывзӧй тайӧс, Яковсянь чужысьяс! Ті шусянныд Израиль нимӧн, ті петінныд Иуда чужанкотырысь, ті кыв сетӧмӧн кӧсйысянныд Господь нимӧн, шуанныд, мый кесъяланныд Израильлӧн Енлы, но вӧчанныд тайӧс онӧ збыльысь да онӧ веськыда.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Исай 2:2

Тадзи лоӧ бӧръя кадӧ: сійӧ керӧсыс, кӧні сулалӧ Господьлӧн крамыс, лоӧ став керӧссьыс на джуджыдджык, став мыльксьыс на вылынджык. Сэтчӧ дугдывтӧг кутасны локны войтыръяс.

Псалтыр 68:26

Налӧн оланінъясыс мед кушмасны, налӧн чомъясын мед оз ло олысьыс.

Ездра 4:20

Ерусалим вылын ыджыдалӧмаӧсь вына ӧксыяс. На улын вӧлӧма став Авар-Нахара муыс, и сэтчӧс олысьясыс налы мынтылӧмаӧсь вот.

Ӧксыяслӧн 3 небӧг 4:21

Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.

Лыд 24:20

Валаам аддзис амаликъясӧс да шуис татшӧм кывъяс: – Войтыръяс пӧвстын амалик войтыр медводдзаыс, но сійӧс виччысьӧ дзикӧдз бырӧдӧм!

Ӧксыяслӧн 3 небӧг 5:1

Кор тирса Хирам ӧксы тӧдмаліс, мый Соломонӧс мавтыштӧмӧн пуктӧмаӧсь ӧксыӧ батьыс пыдди, мӧдӧдіс сы дінӧ ассьыс кесйӧгъяссӧ. Хирам Давидкӧд пыр вӧліны ёртъясӧн.

Эсфир 3:1

Тайӧ лоӧмторъяс бӧрын Артаксеркс ӧксы ыдждӧдліс Агагсянь чужысь Аммедатлысь Аман писӧ, кыпӧдіс сійӧс да пуктіс веськӧдлыны мукӧд юралысьясӧн.

Псалтыр 72:11

Найӧ шуалӧны: «Кытысь Енмыс тӧдмалас? Медвылыссаыс ӧмӧй тӧдӧ та йылысь?»

Исай 30:25

Сійӧ лунӧ, кор вӧрӧгӧс лоӧ пасьвартӧма, кор усясны башняяс, быд джуджыд керӧс вывсянь визувтасны шоръяс.