Лыд 23:5 - Коми Библия 2023

⁵ Господь тшӧктіс Валаамлы бӧр мунны Валак дінӧ да висьтавны сійӧ, мый сетіс сылы шуны.

Лыд 23:5 Referans Kwoze

Еремей 1:9

Господь нюжӧдіс кисӧ, инмӧдчыліс менам вомӧ да шуис меным: – Ассьым кывъясӧс Ме пукті тэнад вомӧ.

Индӧд 18:18

Ме сувтӧда налӧн вокъяс пӧвстысь тэ кодь пророкӧс налы да пукта Ассьым кывъясӧс сылӧн вомӧ. Сійӧ висьталас налы ставсӧ, мый Ме тшӧкта сылы.

Исай 59:21

Тэкӧд, Менам войтырӧй, Ме кӧртала татшӧм йитӧд, – висьталӧ Господь, – Менам Лолӧй лоас тэ вылын, Менам кывъясӧй, мый пукті тэнад вомӧ, пыр лоӧны тэнад вомын, тэсянь чужысьяслӧн вомын да насянь чужысьяслӧн вомын ӧні и нэмъяс чӧж, – висьталӧ Господь.

Исай 51:16

Ассьым кывъясӧс Ме пукті тэнад вомӧ, вевтти тэнӧ Аслам ки вуджӧрӧн. Ме шевкниті енэжсӧ, зумыда сувтӧді мусӧ. Ме шуа Сионлы: «Тэ – Менам войтырӧй!»

Лыд 23:16

Господь аддзысис Валаамкӧд, тшӧктіс сылы бӧр мунны Валак дінӧ да висьтавны сійӧ, мый сетіс сылы шуны.

Иоан 11:51

Тайӧ кывъяссӧ Каиаф эз шу ассяньыс, но аркиреялігас водзвыв висьталіс, мый Исус кулас войтырыс вӧсна,

Лука 12:12

Сійӧ кадас Вежа Лов туйдӧдас тіянӧс, мый колӧ шунысӧ».

Шусьӧгъяс 16:9

Мортыд бӧрйӧ ассьыс туйсӧ, а Господь веськӧдлӧ сылӧн воськовъясӧн.

Шусьӧгъяс 16:1

Мортыд сьӧлӧмас тэчӧ, мый шуны, но кывъясыс Господьсянь воӧны.

Лыд 22:35

Господьлӧн андел вочавидзис: «Мун тайӧ йӧзыскӧд. Но висьтав сӧмын сійӧ, мый Ме висьтала тэныд». Валаам муніс Валаклӧн киподувса юралысьяскӧд.

Лыд 22:20

Войнас Ен локтіс Валаам дінӧ да шуис сылы: «Тайӧ йӧзыс кӧ локтісны тэнӧ корны, чеччы да мун накӧд. Но вӧч сӧмын сійӧ, мый Ме тэныд тшӧкта».

Петӧм 4:15

Тэ висьтав сылы Менсьым кывъясӧс, пукті вомас, мый шуны. Ме лоа тіянкӧд, кор ті кутанныд сёрнитны, да велӧда, мый колӧ вӧчны.

Лыд 23:4

Ен аддзысис сэні Валаамкӧд. Валаам шуис Сылы: «Ме лэпті сизим висьпуктанін, быд висьпуктанін вылын вись пыдди вайи ӧшкӧс да межӧс».

Лыд 23:6

Локтӧм бӧрас Валаам аддзис, мый Валак сулалӧ аслас сотан вись дорын моавса юралысьяскӧд. [Енлӧн Лов вӧлі Валаам вылын.]