Лыд 23:4 - Коми Библия 2023

⁴ Ен аддзысис сэні Валаамкӧд. Валаам шуис Сылы: «Ме лэпті сизим висьпуктанін, быд висьпуктанін вылын вись пыдди вайи ӧшкӧс да межӧс».

Лыд 23:4 Referans Kwoze

Лыд 23:16

Господь аддзысис Валаамкӧд, тшӧктіс сылы бӧр мунны Валак дінӧ да висьтавны сійӧ, мый сетіс сылы шуны.

Ефесӧ 2:9

Бур вӧчӧмыд оз мезды, медым некод эз ошйысь тайӧн.

Лука 18:12

Видзала вежоннас кыкысь, ставсьыс дасӧд юкӧнсӧ сета Енлы”.

Римӧ 3:27

Сюрас-ӧ миян ошйысянторйыс? Оз. Сійӧс бырӧдӧма. Мыйӧн? Индӧд серти уджъясӧн? Абу. Эскӧмӧн.

Иоан 16:2

Тіянӧс вӧтласны синагогаысь. Весиг воас сэтшӧм кад, кор тіянӧс виысьяс кутасны чайтны, мый татшӧм ногӧн найӧ кесъялӧны Енмыслы.

Матвей 20:12

”Ми кузь лунтыр гож водзын мырсим, а бӧрынджык локтӧмаяс сӧмын час уджалісны, да налы тэ дзик миянлы моз мынтін”.

Лыд 23:1

Валаам шуис Валаклы: «Вӧч меным татчӧ сизим висьпуктанін да вайӧд меным сизим ӧшкӧс да сизим межӧс».

Лыд 22:20

Войнас Ен локтіс Валаам дінӧ да шуис сылы: «Тайӧ йӧзыс кӧ локтісны тэнӧ корны, чеччы да мун накӧд. Но вӧч сӧмын сійӧ, мый Ме тэныд тшӧкта».

Лыд 22:9

Ен локтіс Валаам дінӧ да юаліс: «Кодъяс тайӧ йӧзыс тэ ордын?»

Лыд 23:3

Валаам шуис Валаклы: «Кольччы аслад сотан вись дорӧ, а ме муна. Гашкӧ, Господь петас меным воча. Сэсся ме висьтала тэныд, мый Сійӧ восьтас». [Валак кольччис аслас сотан вись дорӧ, а] Валаам кайис изкырта вылӧ [юасьны Енлысь].

Лыд 23:5

Господь тшӧктіс Валаамлы бӧр мунны Валак дінӧ да висьтавны сійӧ, мый сетіс сылы шуны.