Лыд 23:23 - Коми Библия 2023

²³ Яков рӧдлы паныд туналӧмыс оз ин, Израиль войтырлы паныд тшыкӧдӧмыс оз во. Ас кадӧ шуасны Яков-Израиль йылысь: «Со мый вӧчӧ Енмыс!»

Лыд 23:23 Referans Kwoze

Нав Исус 13:22

Израиль пиян виисны тшӧтш Веорлысь Валаам писӧ, коді вӧлі тунасьысь.

Матвей 12:27

Ме кӧ вӧтлала пеж ловъясӧс Вельзевул вынӧн, кутшӧм вынӧн, сідзкӧ, тіян йӧзыд вӧтлалӧны? Найӧ тіянӧс мыждасны.

Псалтыр 64:9

Му пельӧсын олысьяс повзясны Тэнад шензьӧданаторъясысь, асылын и рытын кутасны кыпӧдны Тэныд ошкӧмсӧ.

Римӧ 16:20

Лӧньлунсӧ сетысь Ен регыд песовтас сӧтанасӧ тіян кокъяс улӧ. Миян Господь Исус Кристослӧн буралӧмыс тіянкӧд. Аминь.

Лыд 24:1

Валаам казяліс, мый Израильӧс бурсиӧмыс шогмана Господьлы, и сійӧ воддза мозыс эз нин мун тунасьны. Сійӧ видзӧдліс овтӧминлань

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Матвей 16:18

Ме шуа тэныд: Тэ – Петыр, из. Тайӧ из вылас Ме лэпта Ассьым вичко, и адлӧн выныс оз вермы сійӧс.

Микей 7:15

Египет муысь петіганыд ті аддзылінныд шензьӧданаторъяс. Ме тайӧс вӧчи, и ӧні бара вӧча.

Ап. уджъяс 4:16

«Мый кутам вӧчны тайӧ йӧзыскӧд? Ӧд став Ерусалимыс тӧдӧ налысь шензьӧданатор вӧчӧмсӧ, ми огӧ вермӧй соссьыны таысь.

Матвей 12:25

Налысь мӧвпъяссӧ тӧдӧмӧн Исус шуис: «Ас муын олысьяс кӧ ас костаныс тышкасьӧны, тайӧ муыс кушмас. Зыксьӧмӧн олысь карыд да керкаыд дыр оз сулав.

Исай 41:4

Коді вӧчис тайӧс, коді збыльмӧдіс? Сійӧ, коді му пуксьӧмсяньыс сетӧ олӧм. Ме, Господь, Ме – Медводдзаыс, и бӧръя олысьяслы Ме – Сійӧ жӧ.

Ап. уджъяс 5:12

Уна шензьӧданатор индысьпасъясӧн вӧчисны апостолъяс йӧз пӧвстын. Эскысьяс ӧти сьӧлӧмӧн чукӧртчывлісны Соломон йӧрӧ.

Ап. уджъяс 15:12

Сэсся ставныс ланьтӧмӧн кывзісны Варнаваӧс да Павелӧс. А найӧ висьталісны, кыдзи Енмыс на пыр вӧчис шензьӧданаторъяс да петкӧдліс индысьпасъяс ентӧдтӧмъяс пӧвстын.

Ап. уджъяс 5:14

Тадзи Господьлы эскысьяслӧн лыдыс пыр содіс, на пӧвстын вӧліны айулов и аньяс.

Иоан 11:47

Аркирейяс да фарисейяс чукӧртісны веськӧдлан котыр да сёрнитісны: «Мый миянлы вӧчны? Тайӧ Мортыс уна шензьӧданатор вӧчӧ.

Даниил 9:15

Господьӧй, миян Енмӧй, Аслад вына кинад Тэ петкӧдін Ассьыд войтыртӧ Египетысь. Тэ шедӧдін Аслыд нималӧм, и ӧніӧдз Тэ нималан, но ми мыж вӧчим да олім лёкнога.

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Езекиль 21:21

Со вавилонса ӧксы сулалӧ нин туйвежын, кӧні заводитчӧны тайӧ кык туйыс. Сійӧ юасьӧ гортса бӧлбанъяслысь, тунасьӧ ньӧвъяс пыркӧдӧмӧн да виӧм пемӧслысь муссӧ видзӧдалӧмӧн.

Индӧд 3:24

”Господьӧй Ыджыдӧй! Тэ петкӧдлін меным, Аслад кесйӧглы, Ассьыд ыджыд вынтӧ, вына китӧ [да ён сойтӧ]. Эм-ӧ енэжас либӧ му вылас мӧд енмыс, коді эськӧ Тэ моз вермис вӧчны ыджыд да вына уджъяс?

Исай 44:25

Ме нинӧмӧ бергӧда ылӧгпророкъяслысь индысьпасъяссӧ, эрдӧда туналысьяслысь йӧйталӧмсӧ, шӧйӧвошта тӧдысьясӧс, налысь тӧдӧмлунсӧ вӧча нинӧмӧн.