Лыд 23:11 - Коми Библия 2023

¹¹ Валак шуис Валаамлы: «Мый тэ мекӧд вӧчан? Ме кори тэнӧ ёрны меным паныд сувтысьясӧс, а тэ бурсиин найӧс!»

Лыд 23:11 Referans Kwoze

Неемий 13:2

Ӧд тайӧ войтыръясыс эз вочаавны Израиль войтырӧс ваӧн да няньӧн, а мӧдарӧ, медалісны Валаамӧс, мед ёрны найӧс. Но миян Енным бергӧдіс ёрӧмсӧ бурсиӧмӧ.

Лыд 24:10

Валак скӧрмис Валаам вылӧ, кинас швачкӧмӧн шуис: «Ме кори тэнӧ ёрны ассьым вӧрӧгӧс, а тэ куимысь нин бурсиин найӧс!

Лыд 22:17

Ме пӧ бурӧ пукта тэнӧ да вӧча ставсӧ, мый кӧсъян. Волы пӧ да ёр Египетысь локтӧм войтырӧс».

Лыд 22:11

Найӧ висьталісны, Египетысь пӧ локтіс уна лыда войтыр да вевттис став мусӧ. [Найӧ паськӧдчисны пӧ Валаклӧн му бокӧ.] Валак корӧ менӧ локны да ёрны тайӧ войтырсӧ. Сійӧ чайтӧ, мый ёрӧм бӧрын сійӧ вермас уськӧдчыны да вӧтлыны найӧс аслас му бокысь».

Лыд 23:12

Валаам вочавидзис: «Мый Господь сетӧ меным, сійӧс ме и висьтала».