Лыд 23:10 - Коми Библия 2023

¹⁰ Коді вермас артавны Яковсянь чужысьясӧс, лыддьыны Израильлысь лыдтӧм-тшӧттӧм войтырсӧ? Веськыда олысьяс моз мед ме кула, олӧм помӧй мед лоас налӧн кодь!

Лыд 23:10 Referans Kwoze

Олӧм 13:16

Тэсянь чужысьыс лыа чир мында лоас. Вермас кӧ кодкӧ артавны лыа чирсӧ, вермас артавны и тэсянь чужысьсӧ.

Восьтӧм 14:13

Сэсся ме кылі енэжсянь гӧлӧс шы. Сійӧ шуис меным: «Гиж тайӧс: ”Шудаӧсь найӧ, кодъяс ӧнісянь куласны Господьлы эскӧмӧн. Тайӧ тадзи, – шуӧ Лов. Найӧ кутасны шойччыны асланыс сьӧкыд уджъясысь, ӧд налӧн уджъясыс мунӧны на бӧрся”».

2 Коринфӧ 5:1

Ми тӧдам: тайӧ мувывса чомйыс, миян вир-яйным, кӧ киссяс, Енмыс сетас миянлы енэжас оланін – киӧн вӧчтӧмӧс, бырлытӧмӧс.

Шусьӧгъяс 14:32

Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.

Лыд 2:31

Ставнас Дан чужанкотыр улын вӧлі сё ветымын сизим сюрс квайтсё тышкаморт. Найӧ мед петасны туйӧ асланыс дӧрапас улын медбӧръяӧн».

Лыд 2:24

Ставнас Ефрем чужанкотыр улын вӧлі сё кӧкъямыс сюрс сё тышкаморт. Найӧ мед петасны туйӧ коймӧдӧн.

Лыд 2:9

Ставнас Иуда чужанкотыр улын вӧлі сё кӧкъямысдас квайт сюрс нёльсё тышкаморт. Найӧ мед петасны туйӧ медводдзаясӧн.

Олӧм 28:14

Тэсянь чужысьыс лоӧ лыа чир мында. Тэ паськӧдчан рытыввылӧ и асыввылӧ, войвылӧ и лунвылӧ. Тэ да тэсянь чужысьяс пыр бурсиӧмыс вуджас быд войтырлы.

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Лыд 2:16

Ставнас Рувим чужанкотыр улын вӧлі сё ветымын ӧти сюрс нёльсё ветымын тышкаморт. Найӧ мед петасны туйӧ мӧдӧн.

Лыд 31:8

Виӧмаяс пӧвстын вӧлі вит мадианса ӧксы: Эви, Рекем, Цур, Хур да Ревай. Израильсаяс виисны шыпуртӧн тшӧтш Веорлысь Валаам писӧ.