Лыд 22:5 - Коми Библия 2023

⁵ Валак мӧдӧдіс юӧртысьясӧс аслас войтыр дінӧ Петор карӧ, Ефрат ю дорӧ. Сійӧ тшӧктіс юӧртысьяслы мунны Веорлӧн Валаам пиыс дінӧ да висьтавны сылы: «Египетысь локтіс уна лыда войтыр да вевттис став мусӧ. Найӧ паськӧдчисны менам му бокӧ.

Лыд 22:5 Referans Kwoze

Индӧд 23:4

Ӧд Египетысь петӧм бӧраныд, кор ті матыстчинныд на дінӧ, найӧ эз вочаавны тіянӧс ваӧн да няньӧн, а мӧдарӧ, медалісны месопотамияса Петор карысь Веорлысь Валаам писӧ, мед ёрны тіянӧс.

Микей 6:5

Войтырӧй, эн вунӧд, мый мӧвпыштіс вӧчны моавса Валак ӧксы, мый сылы вочавидзис Веорлӧн Валаам пиыс, мый вӧлі тіянкӧд Ситтимсянь Галгалӧдз. Ставсӧ тайӧс уськӧд тӧд вылад, медым тӧдін Господьлысь веськыдлунсӧ.

Нав Исус 24:9

Моавса Валак ӧксы, Сеппорлӧн пиыс, петіс тышӧ Израильлы паныд. Сійӧ корис Веорлысь Валаам писӧ ёрны тіянӧс.

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.

Восьтӧм 2:14

Но Менам эм мыйсюрӧ тэныд паныд: тіян пӧвстын эмӧсь найӧ, кодъяс кутчысьӧны Валаамлӧн велӧдӧмӧ. Сійӧ велӧдіс Валакӧс кежӧдны Израиль войтырӧс ылӧгас, медым найӧ сёйисны идоллы вайӧм сёян да кырсалісны.

Нав Исус 13:22

Израиль пиян виисны тшӧтш Веорлысь Валаам писӧ, коді вӧлі тунасьысь.

Лыд 23:7

Валаам шуис татшӧм кывъяс: – Арамысь, асыввывса керӧсъясысь, менӧ вайӧдіс Валак, моавса ӧксы. Шуис, лок пӧ да ёр Яковӧс, лёкӧд Израиль войтырӧс.

Псалтыр 105:24

Найӧ нинӧмӧ пуктісны бур мусӧ, эз эскыны Господьлӧн кывйӧ,

Олӧм 13:16

Тэсянь чужысьыс лыа чир мында лоас. Вермас кӧ кодкӧ артавны лыа чирсӧ, вермас артавны и тэсянь чужысьсӧ.

Петӧм 10:15

Муыс эз тыдав сьӧдысла, сэтшӧм уна вӧлі саранчаыс. Найӧ сёйисны му вылысь став быдмӧг-турунсӧ, пуяс вылысь став тусь-вотӧссӧ, мый кольлі шер бӧрся. Египет му пасьтала эз коль веж корйыс ни пу вылын, ни му вылын.

Лыд 31:8

Виӧмаяс пӧвстын вӧлі вит мадианса ӧксы: Эви, Рекем, Цур, Хур да Ревай. Израильсаяс виисны шыпуртӧн тшӧтш Веорлысь Валаам писӧ.

Индӧд 23:5

Но Господь, тіян Енныд, эз кӧсйы кывзыны Валаамӧс. Господь, тіян Енныд, радейтӧ тіянӧс, та вӧсна Валаамлысь ёрӧмсӧ бергӧдіс бурсиӧмӧ.