Лыд 22:38 - Коми Библия 2023

³⁸ Валаам вочавидзис: «Со, ме локті. Но мый ме верма шуны? Мый Енмыс сетас шуны, сійӧс и кута висьтавны».

Лыд 22:38 Referans Kwoze

Шусьӧгъяс 19:21

Мортыд ас водзас уна мог сувтӧдӧ, но инас сӧмын Господьӧн шуӧмаыс.

Лыд 22:18

Валаам вочавидзис Валаклӧн йӧзлы: «Валак кӧ сетас меным весиг керка тыр зарни-эзысь, аслам Господь Енлысь тшӧктӧмсӧ ме ог торк, нинӧм ог вӧч ас кӧсйӧм серти.

Лыд 23:26

Но Валаам вочавидзис: «Эг ӧмӧй ме тэныд шулы, мый кута вӧчны сійӧ, мый тшӧктас меным Господь?»

Лыд 23:16

Господь аддзысис Валаамкӧд, тшӧктіс сылы бӧр мунны Валак дінӧ да висьтавны сійӧ, мый сетіс сылы шуны.

Исай 47:12

Сідзкӧ, водзӧ кимӧститчы, ёнджыка на тшыкӧдчы, ӧд тэ том кадсяньыд нин ноксян тайӧн. Гашкӧ, тайӧ отсалас тэныд, гашкӧ, тайӧ видзас тэнӧ лёксьыс.

Исай 46:10

Водзысяньыс Ме юӧрта тіянлы, мый лоӧ, водзвыв висьтала тіянлы сы йылысь, мый эз на вӧв. Ме висьтала тіянлы: Менам мӧвпыштӧмӧй збыльмас, Ассьым кӧсйӧмӧс Ме пӧрта олӧмӧ.

Исай 44:25

Ме нинӧмӧ бергӧда ылӧгпророкъяслысь индысьпасъяссӧ, эрдӧда туналысьяслысь йӧйталӧмсӧ, шӧйӧвошта тӧдысьясӧс, налысь тӧдӧмлунсӧ вӧча нинӧмӧн.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Псалтыр 33:10

Полӧй Господьысь, Сылӧн вежа войтыр! Сыысь полысьяслӧн ставыс лоӧ тырмымӧн.

2 Каднебӧг 18:13

Микей вочавидзис: «Ловъя Господь водзын кыв сета: Енмӧй мый шуас меным, сійӧс и юӧрта».

Ӧксыяслӧн 3 небӧг 22:14

Микей вочавидзис: «Ловъя Господь водзын кыв сета: Господь мый шуас меным, сійӧс и юӧрта».

Лыд 24:13

мый Валак кӧ сетас меным весиг керка тыр зарни-эзысь, Господьлысь тшӧктӧмсӧ ме ог торк, ас кӧсйӧм серти бурсӧ ни лёксӧ ог вӧч. Мый Господь тшӧктас, сійӧс и кута висьтавны.

Лыд 22:37

Валак юаліс Валаамлысь: «Мыйла тэ эн лок, кор ме медводдзаысьсӧ мӧдӧдлі тэла ассьым йӧзӧс? Ме ӧмӧй ог куж пыдди пуктӧмӧн сибӧдны тэнӧ?»

Лыд 22:39

Валаам муніс Валаккӧд Киръят-Хуцотӧ.

Лыд 22:8

Валаам шуис: «Кольччӧй ме ордӧ вой кежлас, а асывнас ме висьтала, мый шуас меным Господь». Моавса юрнуӧдысьяс кольччисны Валаам ордӧ.

Ӧксыяслӧн 3 небӧг 22:16

Но ӧксы воча шуис сылы: «Кымынысь меным колӧ тшӧктыны, мед тэ кыв сетін, мый Господь нимсянь тэ висьталан меным сӧмын збыльсӧ?»