Лыд 22:12 - Коми Библия 2023

¹² Ен вочавидзис Валаамлы: «Эн мун накӧд. Эн ёр Египетысь локтӧм войтырӧс, ӧд сійӧ бурсиӧм войтыр».

Лыд 22:12 Referans Kwoze

Ефесӧ 1:3

Ошкӧм Енлы, миян Господь Исус Кристослӧн Батьлы! Сійӧ бурсиӧма миянӧс Кристос пыр Ловсянь быдпӧлӧс бурсиӧмнас, мый эм енэжас.

Индӧд 23:5

Но Господь, тіян Енныд, эз кӧсйы кывзыны Валаамӧс. Господь, тіян Енныд, радейтӧ тіянӧс, та вӧсна Валаамлысь ёрӧмсӧ бергӧдіс бурсиӧмӧ.

Римӧ 11:29

Енмыс сетӧмторсӧ бӧр оз босьт, Сылы кесъявны корӧмсӧ оз веж.

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Индӧд 33:29

Израиль, тэ шуда, тэ кодь мӧд войтырыс абу, тэ – Господьӧн мездӧм войтыр. Сійӧ – сайӧдыс, мый видзӧ тэнӧ, шыпуртыс, мый тышын вермӧ. Вӧрӧгыд кутас леститчыны тэ водзын, а тэ кокнад сы вылӧ тувччан.

Матвей 27:19

Сэки Пилатлӧн гӧтырыс мӧдӧдіс мыжданінӧ висьтавны верӧсыслы: «Тайӧ веськыда олысьыслы лёксӧ эн вӧч. Тавой вӧтын ме ёна шогси Сы понда».

Микей 6:5

Войтырӧй, эн вунӧд, мый мӧвпыштіс вӧчны моавса Валак ӧксы, мый сылы вочавидзис Веорлӧн Валаам пиыс, мый вӧлі тіянкӧд Ситтимсянь Галгалӧдз. Ставсӧ тайӧс уськӧд тӧд вылад, медым тӧдін Господьлысь веськыдлунсӧ.

Псалтыр 146:5

Миян Господьным ыджыд да вына, Сылӧн мывкыдлуныс пыдӧстӧм.

Псалтыр 144:15

Господьӧй, ставныс видзӧдӧны Тэ вылӧ лача кутӧмӧн, Тэ сетан налы сёянсӧ ас кадӧ.

Лыд 23:23

Яков рӧдлы паныд туналӧмыс оз ин, Израиль войтырлы паныд тшыкӧдӧмыс оз во. Ас кадӧ шуасны Яков-Израиль йылысь: «Со мый вӧчӧ Енмыс!»

Лыд 23:3

Валаам шуис Валаклы: «Кольччы аслад сотан вись дорӧ, а ме муна. Гашкӧ, Господь петас меным воча. Сэсся ме висьтала тэныд, мый Сійӧ восьтас». [Валак кольччис аслас сотан вись дорӧ, а] Валаам кайис изкырта вылӧ [юасьны Енлысь].

Лыд 22:6

Кора тэнӧ, волы да ёр тайӧ войтырсӧ, ӧд сійӧ ме дорысь ёнджык. Гашкӧ, сэсся ме верма пасьвартны да вӧтлыны найӧс татысь. Ме тӧда: кодӧс тэ бурсиан, сійӧс лоӧ бурсиӧма, а кодӧс тэ ёран, сійӧс лоӧ ёрӧма».

Лыд 22:11

Найӧ висьталісны, Египетысь пӧ локтіс уна лыда войтыр да вевттис став мусӧ. [Найӧ паськӧдчисны пӧ Валаклӧн му бокӧ.] Валак корӧ менӧ локны да ёрны тайӧ войтырсӧ. Сійӧ чайтӧ, мый ёрӧм бӧрын сійӧ вермас уськӧдчыны да вӧтлыны найӧс аслас му бокысь».

Лыд 22:13

Асывводзнас Валаам чеччис да шуис Валаклӧн йӧзлы: «Мунӧй асланыд муӧ. Господь оз лэдз менӧ мунны тіянкӧд».

Лыд 23:8

Но кыдзи ме верма ёрны сійӧс, кодӧс Енмыс оз ёр? Кыдзи ме верма лёкӧдны сійӧс, кодӧс Господь оз лёкӧд?

Лыд 24:9

Ті воданныд да куйланныд левъяс моз. Коді лысьтас чеччӧдны тіянӧс? Тіянӧс бурсиысьясӧс лоӧ бурсиӧма, тіянӧс ёрысьясӧс – ёрӧма.

Индӧд 2:7

Господь, тіян Енныд, бурсиис тіянлысь уджнытӧ, видзис тіянӧс тайӧ паськыд [да повзьӧдана] овтӧминтіыс ветліганыд. Нелямын во чӧж Господь, тіян Енныд, вӧлі тіянкӧд, и тіян ставыс вӧлі тырмана”.

Индӧд 7:14

Господь бурсиас тіянӧс мукӧд войтыръяс дорысь ёнджыка. Тіян пӧвстын оз ло ныв-питӧм айловыс да сьӧктыны вермытӧм аньыс, ыж-мӧсныд пӧвстын оз ло тырсявтӧмыс.

Индӧд 28:6

Бурсиӧма тэнӧ гортад локтігӧн и гортсьыд мунігӧн.

2 Каднебӧг 31:10

Садок рӧдысь Азарий аркирей вочавидзис сылы: «Сійӧ кадсяньыс, кор йӧзыс пондісны вайны Господьлӧн крамӧ козинъяс, ми пӧттӧдз сёям. И унатор кольӧ на, ӧд Господь бурсиис Ассьыс войтырсӧ. Со, тайӧ чукӧръясыс колисны на».

Исай 61:9

Насянь чужысьясӧс нимӧдасны войтыръяс пӧвстын, найӧс аддзысьяс гӧгӧрвоасны, мый тайӧ войтырсӧ бурсиӧма Господь.