Лыд 21:33 - Коми Библия 2023

³³ Та бӧрын израильсаяс кежисны Васан муӧ нуӧдысь туй вылӧ. Эдрей кар дорын васанса Ог ӧксы аслас тышкайӧзкӧд петіс тышӧ израильсаяслы паныд.

Лыд 21:33 Referans Kwoze

Нав Исус 13:12

Васан муыс вӧлі Ог ӧксылӧн, коді юраліс Аштарот да Эдрей каръясын. Сійӧ вӧлі рефа войтырысь медбӧръя морт. Мӧисей вермис тайӧ войтырсӧ да босьтіс налысь мусӧ.

Индӧд 29:7

Кор ми локтім татчӧ, хешбонса Сигон ӧксы да васанса Ог ӧксы уськӧдчисны миян вылӧ, но ми пасьвартім найӧс.

Индӧд 1:4

Таӧдз Мӧисей пасьвартіс Сигон да Ог ӧксыясӧс. Аморейяслӧн Сигон ӧксы юраліс Хешбон карын, а васанса Ог ӧксы – Аштарот да Эдрей каръясын.

Амос 4:1

Кывзӧй, ті, васанса мӧсъяс, Самария керӧс вылын олысь аньяс! Ті дзескӧданныд гӧльясӧс, топӧданныд коньӧръясӧс, верӧсныдлы тшӧктанныд: «Вай юны!»

Езекиль 39:18

Найӧ кутасны сёйны вына тышкайӧзлысь яйсӧ, юны мувывса ӧксыяслысь вирсӧ. Тайӧ лоӧ васанса тшӧгӧдӧм межъяслӧн, баляпиянлӧн, кӧзаяслӧн да ӧшъяслӧн яй да вир кодьӧн.

Езекиль 27:6

пелысъястӧ – васанса тупуысь, джоджъястӧ – киттимса діяс вылысь вайӧм бук пуысь, тэнӧ мичмӧдісны слӧн лыӧн.

Исай 33:9

Муыс шогсьӧ, косьмӧма, ливанса вӧр нюкыртчӧма, сьӧдасьӧма, Шарон ласта лои кушинӧн. Васан ыб вылын да Кармил керӧсъясын кушмӧмаӧсь пуяс.

Псалтыр 68:15

Перйы менӧ нюйтсьыс, эн лэдз меным вӧйны, мезды менӧ мустӧмтысьясысь да джуджыд ваысь.

Нав Исус 13:30

му Маханаим карсянь войвылӧ. Сэтчӧ пырисны Васан му, кӧні юравліс Ог ӧксы, да сэтчӧс муысь Яирлӧн квайтымын сикт.

Нав Исус 12:4

Васанса Ог ӧксы вӧлі рефа войтырысь медбӧръя морт. Сылӧн юркаръяснас вӧліны Аштарот да Эдрей каръяс.

Нав Исус 9:10

да аморейяслӧн кык ӧксылы Йӧрдан сайын, хешбонса Сигон ӧксылы да васанса Ог ӧксылы, коді оліс Аштаротын [да Эдрейын].

Индӧд 32:14

мӧс выйӧн да кӧза йӧлӧн, тшӧгӧдӧм баляпиянӧн, кӧзаясӧн да васанса межъясӧн, вердіс медбур шобдіӧн. Найӧ юисны вина – виноград тусьлысь вирсӧ.

Индӧд 4:47

Найӧ босьтісны аслыныс сылысь мусӧ да тшӧтш васанса Ог ӧксылысь мусӧ. Аморейяслӧн тайӧ кык ӧксыыслӧн муясыс куйлісны Йӧрдан асыввылын.

Лыд 32:33

Сэки Мӧисей сетіс Гад да Рувим чужанкотыръяслы, а сідзжӧ Ӧсип Манассейлӧн джын чужанкотырлы аморейяслӧн Сигон ӧксылысь мусӧ да васанса Ог ӧксылысь мусӧ сэтчӧс каръяснас да нагӧгӧрса муяснас.

Псалтыр 68:22

Сёян пыдди меным сетісны курыд сӧп, горш косьмигӧн менӧ юктӧдісны уксусӧн.

Псалтыр 135:11

Сійӧ петкӧдіс Израиль войтырӧс Египетысь, Сылӧн буралӧмыс оз помасьлы.

Индӧд 2:30

Но хешбонса Сигон ӧксы эз лэдз миянӧс мунны аслас муӧд, ӧд Господь, тіян Енныд, чорзьӧдіс Сигонлысь сьӧлӧмсӧ, медым сетны сійӧс тіян киӧ. Тадзи ставыс артмис.