Лыд 21:16 - Коми Библия 2023

¹⁶ Сэтысянь израильсаяс мунісны Бер юкмӧс дорӧ. Сэні Господь шуис Мӧисейлы: «Чукӧрт войтырсӧ, Ме сета налы ва».

Лыд 21:16 Referans Kwoze

Лыд 20:8

«Босьт вежа чомйысь бедьсӧ. Аарон вокыдкӧд чукӧртӧй войтырсӧ. Налӧн син водзын изкыртаыслы шуӧй, медым сетас ва. Изкыртаысь ыльӧбтас ва. Тадзи тэ юкталан войтырсӧ да налысь ыж-мӧссӧ».

Исай 12:3

Ті нимкодьпырысь понданныд гумлавны васӧ мездлуныслӧн юкмӧсысь.

Восьтӧм 22:17

Лов да гӧтырпу шуӧны: «Лок!» Тайӧс кылысь мед тшӧтш шуӧ: «Лок!» Кодлӧн косьмӧ горшыс, мед локтӧ! Коді кӧсйӧ юны, мед босьтӧ ловъя васӧ дон мынтытӧг.

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Восьтӧм 21:6

Сійӧ шуис меным: «Ставсӧ вӧчӧма! Ме эм Альфа и Омега, Панасыс и Помыс. Кодлӧн косьмӧ горшыс, сійӧс дон босьттӧг юктӧда ваӧн, коді визувтӧ ловъя ва петанінысь.

Исай 43:20

Шакалъяс да страусъяс пондасны ошкыны Менӧ, ӧд овтӧминын Ме сета ва, кушинын лӧсьӧда юяс, медым юктӧдны Ассьым бӧрйӧм войтырӧс.

Ёрдысьяс 9:21

Тайӧс шуӧм бӧрын Иотам пышйис Авимелек воксьыс Берӧ да овмӧдчис сэтчӧ.

Петӧм 17:6

Хорив изкырта вылын Ме сувта тэ водзӧ. Тэ вачкан изкыртаӧ, и сэтысь ыльӧбтас ва. Тайӧ васӧ мед юас войтырыд». Мӧисей вӧчис тадзи израильса юрнуӧдысьяслӧн син водзын.

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Олӧм 21:19

Ен восьтіс Агарлысь синсӧ, и сійӧ аддзис ва юкмӧс. Матыстчис сэтчӧ, гумовтіс кучик дозйӧ ва да юкталіс зонкасӧ.

Лыд 33:46

Дивон-Гадысь мунӧм бӧрын сувтісны Алмон-Дивлатаимӧ.

Исай 15:8

Налӧн бӧрдӧмыс кылӧ став Моав му пасьтала, Эглаимсянь Бер-Элимӧдз.